PA'JARIANG 45:3 - KITTA' MATANGKASA'

³ Nakanamo Yusuf ri anjo sikamma sari'battanna, “Inakke minne Yusuf. Attallasa' iji bapa'?” Nacini'na anjo kammaya, malla' sikalimi anjo sikamma sari'battanna, sa'genna takkullea appiali.

PA'JARIANG 45:3 ပူးပေါင်းရင်းမြစ်များ

PA'JARIANG 37:20

Umba nibunoi nampa nipasambila maya'na antama' ri bungung kalotoroka. Nampa nipau sinampe' angkana niallei ri olo'-olo' sekkeka ri romanga. Nampa nicini' sinampe' angkana antekamma kajarianna anjo so'na-so'nana.”

PA'JARIANG 42:21

Nampa nakanamo massing para ia ke'nanga, “Kamma-kamma anne nihukkung maki' passabakkang salanta mae ri anditta pirangngalloang; appala' tulungi mingka tena nijampangi, manna nasessamo nicini'. Iaminjo saba'na nakianggappamo sessa ri kamma-kammaya anne.”

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

PA'JARIANG 43:27

Akkuta'nammi Yusuf ri passala'na kaadaanna ke'nanga. Nampa nakana, “Le'baki nucarita mae ri nakke ri passala'na manggenu toa duduamo. Antekamma kaadaanna? Baji'-baji'ji?”

AYUB 23:15

Lanri mallakku ri Ia, nakuannekkere'mo; pila' kunawa-nawana ngaseng anjo kammaya, pila' malla'ma'.

AYUB 4:5

Mingka anne kamma kalennu natuju susa; ta'bangkako, nutappu' minasa.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

MARKUS 6:50

ammarrang-marrammi ke'nanga napakamma malla'. Nasaba' nacini' ngasengi ke'nanga, siagang ta'bangka ngasengi ke'nanga anciniki. Mingka linta'mi a'bicara Isa ri ke'nanga Nakana, “Sannammako! INakke Isa. Teako mallakki!”

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LAMPA-LAMPANA 7:13

Ri wattunna a'lampa pole ke'nanga maka pinruanna, napappiassengammi kalenna Yusuf mae ri anjo sari'battanna ngaseng. Nampami anjo wattua naasseng karaeng Mesir bija-bijanna Yusuf.

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!