PA'JARIANG 45:26 - KITTA' MATANGKASA'

²⁶ Nakanamo ke'nanga ri manggena, “Attallasa' iji Yusuf! Ia a'jari tukoasa ri Mesir!” Nalangngere'na anjo kabaraka, takkajannammi Yakub, siagang tena napatappaki ke'nanga.

PA'JARIANG 45:26 ပူးပေါင်းရင်းမြစ်များ

PA'JARIANG 37:31

Anynyamballemi ke'nanga sikayu bembe nampa natallangngang jubana Yusuf antama' ri cera'na anjo bembea.

PA'JARIANG 37:35

Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

PA'JARIANG 42:29

Ri wattunna battumo ke'nanga ri Kanaan, nacaritami ri manggena ke'nanga sikontu apa le'baka nakasia' ke'nanga. Nakana ke'nanga,

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 44:28

Ia bungasaka a'lampami ambokoia'. Ia attantumi angkana le'ba'mi nikanre ri olo'-olo' sekkeka ri romanga, nasaba' sa'genna kamma-kamma anne tenamo nale'ba' kucini'.

PA'JARIANG 45:25

Nabokoimi ke'nanga Mesir nampa ammotere' mange ri Yakub ri Kanaan, manggena ke'nanga.

PA'JARIANG 48:11

Nampa nakanamo Yakub ri Yusuf, “Tena sikali kukapangi angkana lasicini' ija' siagang ikau. Mingka kamma-kamma anne ba'lalo Nasarema' Allata'ala pangngellai untu' ancini' tongi ana'-ana'nu.”

AYUB 29:24

Ta'muria' ri ke'nanga ri wattunna tappu' minasa ke'nanga; rupa mate'neku antambai sumanga'na ke'nanga.

AYUB 9:16

Ebara' angkana appiali punna akkioka', bata-bata', maka ero' tojenji ampilangngeri sa'rangku?

PAMMUJI 105:21

Nisaremi tugasa' angngurusuki balla' lompona karaenga, nisarei koasa mae ri sikontu barang-baranna;

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

LUKAS 24:11

Mingka nakana anjo ana'-ana' gurunNa, apa takamma-kammaji anjo nacaritaya ke'nanga. Tena natappa' ke'nanga ri caritana anjo bai'-bainea.

LUKAS 24:34

Nakanamo ke'nanga, “Ma'nassa attallasa' poleammi Batara! Le'ba'mi Napappicinikang KalenNa ri Simon!”

LUKAS 24:41

Na lalang tenanapa nakkulle tappa' ke'nanga, lanri rannu duduna siagang lannasa' duduna ke'nanga, akkuta'nammi Isa ri ke'nanga angkana, “Nia' kanre anrinni?”