PA'JARIANG 45:21 - KITTA' MATANGKASA'

²¹ Nagaukammai sikamma ana'na Yakub anjo parentana karaenga. Nasaremi Yusuf ke'nanga siapa are kareta, situru' parentana karaenga, kammayatompa kanre bokong untu' pa'jappanna ke'nanga.

PA'JARIANG 45:21 ပူးပေါင်းရင်းမြစ်များ

PA'JARIANG 45:19

Suro tommi ke'nanga angngerang siapa are kareta battu anrinni, sollanna akkulle naerang bainenna siagang ana'-ana' ca'dina ke'nanga, siagang naalle manggena ke'nanga.

PA'JARIANG 45:20

Tena naparallu napikkiri' ke'nanga apa-apa tena sikalia nakkulle naerang, nasaba' apa kaminang bajika ri Mesir akkullei napatang ke'nanga.”

PA'JARIANG 45:27

Mingka le'ba'namo nacarita ngaseng ke'nanga apa napaua Yusuf mae ri ke'nanga, siagang nacini'namo kareta nakiringa Yusuf untu' angngallei siagang angngerangi mange ri Mesir, angngu'rangimi ri takkajannanna.

PA'JARIANG 46:5

Nampa a'lampamo Yakub battu ri Bersyeba. Nipanai'mi Yakub ri karetaya ri ana'-ana'na. Kammayatompa massing bainenna sikamma ana'-ana'na nipanai' ngaseng tommi ri anjo kareta nakiringa karaeng Mesir.

2 PATTOTTORANG 35:16

Anjo alloa nagaukang kabusu'mi ke'nanga sikontu apa naparentakanga Karaeng Yosia untu' kasuarranna anjo Allo Paskaya, kammaya ngaseng anjo passare-passare ri tampa'-tampa' pakkoro'bangnganga.

2 PATTOTTORANG 8:13

Anjo koro'bang-koro'banga nipassareangi situru' hukkung napassareanga Musa untu' tunggala' allo lompoa, kammayami: allo Pammari-marianga, allo lompo Bulang Beru, siagang tallua allo lompo taung-taung iamintu allo lompo Roti Tenaya Nammake Pa'gambang, allo lompo Pakkattoang, siagang allo lompo Pa'balla'-ballakang Leko'-leko'.

KALAPPASSANG 17:1

Nampa a'lampamo bansa Israel ambokoi parang lompo Sin, nampa a'lette'-lette' battu ri se'reang tampa' mange ri tampa' maraenga situru' Naparentakanga Batara. Ri se'reang wattu akkemami ke'nanga ri Rafidim, mingka tena je'ne' inung anjoreng.

KATO'BA 8:2

Mannurukiko punna nasareko parenta karaenga, teako sambarangngi a'janji mae ri Allata'ala.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

PAMMILANGNGANG 3:16

Nampa nagaukammo Musa anjo apa Naparentakanga Batara.