PA'JARIANG 45:19 - KITTA' MATANGKASA'

¹⁹ Suro tommi ke'nanga angngerang siapa are kareta battu anrinni, sollanna akkulle naerang bainenna siagang ana'-ana' ca'dina ke'nanga, siagang naalle manggena ke'nanga.

PA'JARIANG 45:19 ပူးပေါင်းရင်းမြစ်များ

PA'JARIANG 45:20

Tena naparallu napikkiri' ke'nanga apa-apa tena sikalia nakkulle naerang, nasaba' apa kaminang bajika ri Mesir akkullei napatang ke'nanga.”

PA'JARIANG 45:21

Nagaukammai sikamma ana'na Yakub anjo parentana karaenga. Nasaremi Yusuf ke'nanga siapa are kareta, situru' parentana karaenga, kammayatompa kanre bokong untu' pa'jappanna ke'nanga.

PA'JARIANG 45:27

Mingka le'ba'namo nacarita ngaseng ke'nanga apa napaua Yusuf mae ri ke'nanga, siagang nacini'namo kareta nakiringa Yusuf untu' angngallei siagang angngerangi mange ri Mesir, angngu'rangimi ri takkajannanna.

PA'JARIANG 46:5

Nampa a'lampamo Yakub battu ri Bersyeba. Nipanai'mi Yakub ri karetaya ri ana'-ana'na. Kammayatompa massing bainenna sikamma ana'-ana'na nipanai' ngaseng tommi ri anjo kareta nakiringa karaeng Mesir.

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

PAMMILANGNGANG 7:3

assaremi ri dallekanNa Batara annang batunna karoba siagang sampulo anrua sapi: tunggala' ta'ruaya pamimping assarei se're karoba, siagang massing tassikayuna sapi. Le'baki napassareang ke'nanga,