PA'JARIANG 45:14 - KITTA' MATANGKASA'

¹⁴ Le'baki anjo naraka'mi Benyamin, anjo andi'na, nampa angngarru'. Angngarru' tommi Benyamin nampa naraka' todong Yusuf.

PA'JARIANG 45:14 ပူးပေါင်းရင်းမြစ်များ

PA'JARIANG 29:11

Nampa nabau anjo Rahel, nangngarru' napakamma rannu;

PA'JARIANG 33:4

Mingka larimi Esau anruppai Yakub, nampa naraka' siagang nabau. Nampa sikarrukimo anjo tau ruaya.

PA'JARIANG 42:24

Nabokoimi Yusuf anjo ke'nanga nampa angngarru'. Ri wattunna akkullemo pole a'bicara, ammotere'mi pole mae ri ke'nanga. Nampa naalle Simeon, na nasuro sikko' ri dallekanna sikamma sari'battanna.

PA'JARIANG 43:30

Tanatahangngami pa'mai'na Yusuf napakamma nakku'na siagang mangngamaseanna ri andi'na. Sike'de' mami tanakullea naparrangngi kalenna. Jari sikali a'lampami linta' battu ri anjo tampaka, nampa antama ri kamara'na angngarru'.

PA'JARIANG 45:15

Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

PA'JARIANG 46:29

nai'mi Yusuf ri karetana untu' mange assibuntulu' siagang manggena anjoreng. Ri wattunna assibuntulu'mo ke'nanga, naraka'mi Yusuf anjo manggena nampa angngarru' sisalloang.

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

ROMA 1:31

taerokai ke'nanga ampahangi tau maraenga; tajarrekai ke'nanga ri janjinna siagang sanna' palla'na.