PA'JARIANG 45:11 - KITTA' MATANGKASA'

¹¹ Punna niakki' ri Gosyen, akkullema' amparakaiki'. Sallo iji wattu kacipuranga, iamintu liman taumpi. Lakuusahakangi sollanta ikatte, kaluargata, siagang sikamma olo'-olotta tena nalakakurangang apa-apa.’ ”

PA'JARIANG 45:11 ပူးပေါင်းရင်းမြစ်များ

PA'JARIANG 45:12

Nakanamo pole Yusuf, “Kamma-kamma anne nucini' ngasemmi kalennu, ikau pole Benyamin, angkana inakke tojemmi anne Yusuf.

PA'JARIANG 47:12

Nampa nagannakkimo pappasadia untu' lanakanrea manggena, sikamma sari'battanna, kammayatompa sikontu bija pammanakanna, sa'genna kaminang loloa.

PA'JARIANG 47:6

Pasangkammami anne pa'rasangang Mesir sangkamma pa'rasangang kalennu. Lappassammi ammantang ke'nanga ri Daera Gosyen, iamintu daera kaminang bajika anrinni ri pa'rasanganga. Siagang saremi tugasa' tau cara'deka anjama untu' angngurusuki olo'-olo' piaraku.”

PA'JARIANG 50:21

Teako bata-batai. Lakupa'gannakkangko kaparalluannu ngaseng siagang ana'-ana'nu.” Kammaminjo, na napakasannammo Yusuf pa'mai'na ke'nanga, siagang kana-kana lamma, sa'genna dinging-dingimmo pa'mai'na ke'nanga.

ESTER 10:3

Mordekhai, anjo tu Yahudia, tuli naempoina anjo pangka' kaminang tinggia, irawangang kalenna Karaeng Ahasyweros. Anjo Mordekhai nipakalompoi siagang ningai ri sikamma julu bansana. Usahai untu' kasalamakkanna siagang kasalewanganna bansana kammayatompa sikontu turunganna ke'nanga.

1 TIMOTIUS 5:4

Mingka punna janda nia' ana'-ana'na yareka cucu-cucunna, iaminjo ana'-ana'na yareka cucu-cucunna parallu todong nipakainga' sollanna nau'rangi ke'nanga bijanna, siagang nabalasa' pa'mai' baji'na tau toana yareka nene'na ke'nanga. Nasaba' iaminjo kammaya ampakarannui atinNa Allata'ala.