PA'JARIANG 44:34 - KITTA' MATANGKASA'

³⁴ Antekamma lakkulle anne atanta ammotere' mae ri manggena ikambe punna tena nammotere' anjo anaka? Tanakulleai natahang atanta anciniki sallang musiba antabayai anjo manggena ikambe.”

PA'JARIANG 44:34 ပူးပေါင်းရင်းမြစ်များ

PA'JARIANG 44:33

Jari kupalaki ri katte karaeng, kipa'biamma' ammantang anrinni a'jari atanta, untu' ansambeangi anjo andi'na ikambe. Lappassammi anjo andi'na ikambe ammotere' siagang sikamma daenna maraenga.

PA'JARIANG 45:1

Takkulleami naparrangngi pa'mai'na Yusuf ri dallekanna sikamma pagawena. Jari nasuromi ke'nanga a'lampa ambokoi anjo tampaka, sollanna akkulle napappiassengang kalenna mae ri sikamma sari'battanna.

2 PATTOTTORANG 34:28

lanri kammana anjo tenamo nalaKuhukkung Yerusalem lalang attallasa'nu ija. LaKupa'biangko mate siagang amang.’ ” Jari ammotere'mi anjo sikamma tau nisuroa mae ri karaenga siagang napabattumi anjo pasanga mae ri karaenga.

ESTER 8:6

Antekamma lakkulle naparrangngi atanta anciniki bansana siagang bija pammanakanna niputta?”

AYUB 31:29

Tale'baka' rannu lanri pa'risi'na musungku, yareka lompo pa'maikku lanri anggappana bala.

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAMMUJI 119:143

Nitujua' ri kasukkarrang siagang kasusaang, mingka katantuanTa ampakarannui pa'maikku.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.