PA'JARIANG 44:30 - KITTA' MATANGKASA'

^30-31 Nakanamo pole Yehuda ri Yusuf, “Lanri kammana, karaeng, punna ammotereki anne atanta ngaseng mange ri manggena ikambe, nampa tena anjo andi'na ikambe, mattantu lamatemi manggena ikambe napakamma. Nyawana niaki ri antu anaka. Nalanri toa dudunamo, sa'genna anjo kasusaang naeranga ikambe la'jari sabaki nalamate.

PA'JARIANG 44:30 ပူးပေါင်းရင်းမြစ်များ

PA'JARIANG 44:17

Nakanamo Yusuf, “Tena! Tena kuero' appakamma anjo! Iaji bawang anjo tau kupanggappaya anjo cangkiri' peraka la'jari atangku. Ia maraenga akkullei bebasa' ammotere' mange ri manggenu.”

PA'JARIANG 44:20

Appialimi ikambe angkana, ‘Toami manggena ikambe siagang ri wattu toanami nalassu' andi'na ikambe. Daenna battu ri se'rea amma' anjo andi'na ikambe matemi. Jari kamma-kamma anne ia mami kalenna attallasa' battu ri ia rua massari'battang se're amma'. Nampa sanna' nikarimangnginna ri manggena ikambe.’

PA'JARIANG 44:22

Nampa appialimi ikambe angkana anjo anaka takkulleai sisa'la' siagang manggena. Punna assisa'laki battu ri manggena, lamatei manggena napakamma.

PA'JARIANG 44:34

Antekamma lakkulle anne atanta ammotere' mae ri manggena ikambe punna tena nammotere' anjo anaka? Tanakulleai natahang atanta anciniki sallang musiba antabayai anjo manggena ikambe.”

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

1 SAMUEL 18:1

Le'baki Saul siagang Daud a'bica'-bicara, niangka'mi Daud ri Saul a'jari pagawena. Nappakkaramula anjo alloa tenamo nipa'biangi ammotere' mange ri balla'na tau toana. Yonatan, ana'na Saul, nalangngereki anjo pambicaranga. Sanna' todong ngangaina anjo Daud, siagang nakamaseangi sangkamma batangkalenna.

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.