PA'JARIANG 44:2 - KITTA' MATANGKASA'

² Pantama tongi cangkiri' perakku ri karunna andi'na ke'nanga bungkoa, pasiagangi doe' pa'bayara' gandunna.” Nagaukammi palayanga anjo parentana Yusuf.

PA'JARIANG 44:2 ပူးပေါင်းရင်းမြစ်များ

PA'JARIANG 42:20

Le'baki anjo musti nuerangi andi'nu bungkoa mae ri nakke. Iaminjo buttina sallang angkana ma'nassa kontutojengi anjo kanannu, siagang tenamo nulanihukkung mate.” Situjumi ke'nanga ri anjo natappukia guburnurka.

PA'JARIANG 42:25

Naparentakammi Yusuf sollanna nibonei gandung sikamma anjo karung naeranga daenna, nampa anjo doe'na ke'nanga massing nipantamaki ri anjo karunga. Kammayatompa sollanna nisare ke'nanga kanre untu' nabokong ke'nanga ri aganga. Nigaukammi anjo parentana.

PA'JARIANG 43:32

Yusuf angnganrei ri meja maraenga, na sikamma sari'battanna ri meja maraeng todong. Sikamma tu Mesirka ri meja maraeng todong pole, lanri nakanai kalenna tuna ke'nanga punna sipangnganreang siagang tu Ibrani.

PA'JARIANG 44:1

Ilalanna anjo wattua naparentakammi Yusuf ri kapala palayanna ri balla', nakana, “Bonei ngasemmi karunna anjo taua, sipakkullena naerang ke'nanga. Nampa nupantama' massing doe'na ri massing karunna, ri tompo'na gandunga.

PA'JARIANG 44:12

Anjo palayanna Yusuf naparessa ngasemmi anjo karunga, sa'genna narapi' karunna anjo bungkoa, nanagappamo anjo cangkiri' peraka lalang ri karunna Benyamin.

PA'JARIANG 44:3

Ammukona, ri bari'basa' dudua, assibokoimi Yusuf siagang sikamma sari'battanna. A'lampami ke'nanga siagang keledaina ke'nanga.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

2 KORINTUS 8:8

Tena nakuero' amparentakangi anne nakupauangko. Mingka eroki kupappicinikang mae ri kau antekamma attojeng-tojenna tau maraenga antulungi paranna tau. Na ero' tongi kuasseng angkanaya sa'ge kemae tongi bellana pangngamaseannu.

PAOLE 13:3

tea' laloko erokki amparhatikangi. Napakei Karaeng Allata'alanu anjo taua untu' anso'riko, lanri ero'Na Nacini' angkanaya apaka ma'nassa mangngamaseang tojengko mae ri Batara yareka tena.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.