PA'JARIANG 44:18 - KITTA' MATANGKASA'

¹⁸ Majumi Yehuda a'reppese' ri Yusuf nampa nakana, “Pammopporanga', karaeng. Kisarema' sike'de' kasampatang a'bicara siagang ikatte. Teaki' larroi ri atanta karaeng. Ikatte sangkammaki' kalenna karaeng Mesir.

PA'JARIANG 44:18 ပူးပေါင်းရင်းမြစ်များ

PA'JARIANG 18:30

Nakanamo pole Abraham, “TeaKi' larroi Batara, pungku a'bicara ija. Antekamma punna tallumpuloji bawang tau?” Nakanamo Batara, “Punna nia' Kugappa tallumpulo tau talaKupa'jariai niakKu.”

PA'JARIANG 18:32

Kala'busanna nakanamo pole Abraham, “TeaKi' larroi Batara, sikali mama' la'bicara. Antekamma punna sampuloji bawang tau anjoreng?” Nakanamo Batara, “Punna nia' sampulo tau tena salana, talaKupanrakiai anjo kotaya.”

PA'JARIANG 37:6

Iaminne nacaritaya Yusuf ri ke'nanga, “Pilangngeri sai!

PA'JARIANG 37:7

Asso'na' nia' ngasengki' ri kokoa anynyikko' gandung. Nampa ammenteng nai' nakke gandungku. Sikontu gandunnu ngaseng niaki ri tammulilina gandungku nampa su'ju' ri ia.”

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

PA'JARIANG 41:44

Nakanamo karaenga ri ia, “Inakke karaeng. Na kupa'la'bammo angkanaya punna tena nukellai, tena manna sitau akkulle anggaukang apa-apa ri sikontu Mesir.”

PA'JARIANG 44:17

Nakanamo Yusuf, “Tena! Tena kuero' appakamma anjo! Iaji bawang anjo tau kupanggappaya anjo cangkiri' peraka la'jari atangku. Ia maraenga akkullei bebasa' ammotere' mange ri manggenu.”

2 SAMUEL 14:12

Nampa nakanamo anjo bainea, “O, karaeng mala'birikku, poro kikellaia' a'bicara pole sike'deppi.” Appialimi karaenga angkana, “Baji'mi.”

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

AYUB 33:31

Jari pilangngeri Ayub, tannangi tolinnu a'merekiko, kamma-kamma anne inakke a'bicara.

PAMMUJI 79:5

O, Batara, maka lasitulusutTa larro, siagang a'rinra kamma pepe' kimburuTa?

KALAPPASSANG 32:22

Appialimi Harun angkana, “Teako larroi ri nakke; baji' nuassenna ke'nanga antekamma lompona pattujunna ke'nanga anne untu' a'gau' ja'dala'.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 5:19

Antekamma malompona, sa'genna sikamma tau battua ri sikontu bansaya, suku bansaya siagang bahasaya, annekkereki siagang mallaki ri ia. Punna eroki ammuno tau, nabuno mami anjo taua. Punna eroki napasalama' se'rea tau, napasalamaki anjo taua. Napakatinggi siagang napakatunai taua situru' ero'na.

YOHANES 5:22

KalenNa Manggea tena Naadeli se'rea tau. Sikontu koasaya untu' angngadeli taua le'ba'mi Napassareang mae ri Ana'Na.

LAMPA-LAMPANA 2:29

Sikamma sari'battangku, boli'mi kamma nakupau silambusu'na ri passala'na Daud boeta ngaseng. Matemi Daud siagang le'ba'mi nitarawang; sa'genna kamma-kamma anne nia' iji jera'na ri tangnga-tangngata.