PA'JARIANG 44:16 - KITTA' MATANGKASA'

¹⁶ Appialimi Yehuda angkana, “Apa akkulle nagaukang ikambe karaeng? Antekamma batena ikambe akkulle assassala' yareka ampattojengi kalenna ikambe? Nasungkemi Allata'ala kasalanna ikambe. Kamma-kamma anne ikambe anne a'jari ata ngaseng maki' mae ri katte, karaeng; teai ri ia bawang kipanggappaya anjo cangkiri' peraka.”

PA'JARIANG 44:16 ပူးပေါင်းရင်းမြစ်များ

PA'JARIANG 37:7

Asso'na' nia' ngasengki' ri kokoa anynyikko' gandung. Nampa ammenteng nai' nakke gandungku. Sikontu gandunnu ngaseng niaki ri tammulilina gandungku nampa su'ju' ri ia.”

PA'JARIANG 37:9

Nampa asso'namo pole Yusuf, siagang nacaritami pole mae ri sikamma daenna angkana, “Asso'nama' pole. Kuciniki mataalloa, bulanga siagang sampulo asse're bintoeng su'ju' mae ri nakke.”

PA'JARIANG 44:17

Nakanamo Yusuf, “Tena! Tena kuero' appakamma anjo! Iaji bawang anjo tau kupanggappaya anjo cangkiri' peraka la'jari atangku. Ia maraenga akkullei bebasa' ammotere' mange ri manggenu.”

PA'JARIANG 44:32

Nampa pole le'ba'mi anne atanta a'janji mae ri manggena ikambe, angkanaya anne atanta antanggongi anjo anaka. Nakana anne atanta ri ia, punna tena naerangi atanta ammotere' anjo anaka mae ri ia, inakkeminne atanta lantanggongi hukkunganna lalang sikontu tallasa'na anne atanta.

PA'JARIANG 44:9

Ebara' angkana niaki kigappa anjo baranga ri kalase'renna ikambe, lappassammi nihukkung mate, nampa ikambe a'jari atamaki' mae ri katte, karaeng.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

EZRA 9:10

Mingka kamma-kamma anne o Karaeng Allata'ala, ri le'ba'na ngasemmo kajarianga, apami lakkulle nakana ikambe? Le'ba'mi pole nabalang parekang ikambe sikamma parentaTa,

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

PANGNGEBARANG 28:17

Tau ammunoa tulusu' kammai tuniondang na kasia' sa'genna narapi' a'jala'na; manna sitau takkulle antahangi.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YESAYA 5:3

Jari kamma-kamma anne nakanamo sahabakKu, “Ikau ngaseng, pandudu'na Yerusalem siagang Yehuda, adelima' iNakke siagang koko anggorokKu.

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

LUKAS 12:2

Nasaba' tenanniakka apa-apa taccokko talakacinikang; yareka tenanniakka apa-apa nirahasiakang talakaassengang.

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

PAOLE 25:1

Ebara' angkana nia' rua tu Israel a'lampa mange ri pangadelang untu' angngerang parkara, nampa nia' kalase'renna nikana tena nasala, siagang se'reanga sala.

YOSUA 7:1

Le'ba'mi Naparentakang Batara mae ri umma' Israel angkanaya battu ri sikontu apa-apa mustia niancuru' ri Yerikho, tena sikali apa-apa akkulle nialle. Mingka anjo parentaya tena nanituruki. Nia' sitau bura'ne niareng Akhan andakkai anjo parentaya, sa'genna sanna' larroNa Batara mae ri umma' Israel. (Manggena Akhan niarengi Karmi siagang toana niarengi Zabdi, battu ri golongang bijanna Zerah lalang ri suku Yehuda.)

YOSUA 7:18

Le'baki anjo nasuromi Yosua kaluarga Zabdi maju mae ri dallekang, tasse're-se're tau; nampa Akhan, ana'na Karmi, cucunna Zabdi nataba.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.