PA'JARIANG 43:9 - KITTA' MATANGKASA'

⁹ Inakke antanggongi siagang akkullei kituntu' ri nakke. Punna tena kuerangi ammotere' siagang salama', inakke antanggongi hukkunganna lalang sikontu tallasakku.

PA'JARIANG 43:9 ပူးပေါင်းရင်းမြစ်များ

PA'JARIANG 31:39

Ia matea nikokko' ri olo'-olo' sekke' tale'bakai kuerang mae ri katte, mingka kalengku assambei. Ia nilukkaka ri alloa yareka ri bangngia, tuli kituntuki ri nakke sollanna kusambei.

PA'JARIANG 42:37

Nakanamo Ruben ri manggena, “Passareammi Benyamin ri nakke bapa'. Inakke langngerangi ammotere'. Punna tena, akkullei kibuno ruaya anakku bura'nea.”

PA'JARIANG 43:10

Ebara' angkana tena nisallo kamma attayang, mattantu pinruammi ammotere' ikambe.”

PA'JARIANG 9:5

Sikamma taua siagang olo'-olo' ammunoa rupatau laKuhukkung matei.

2 SAMUEL 14:9

Nakanamo anjo bainea, “O karaeng mala'birikku, manna pole apa lanagaukang karaengku, atanta siagang kaluargana atanta tuli lantanggongi kodina anjo passalaka; ikatte karaeng siagang kaluargata tena kisala.”

1 KARAENG-KARAENG 1:21

Punna tena kissare kaputusang, ma'nassa punna mateki', inakke siagang anakku lanipare' kammama' musu.”

AYUB 17:3

Inakke tau lambusu', o Allata'ala. Kipatappaka'! Inai mami akkulle ampattojengi kana-kanangku?

PAMMUJI 119:122

A'janji maKi' angkana laKitulunga', teaKi' balang parekangia' nijallakkang ri tau tampoa.

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

YEHEZKIEL 3:20

Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YEHEZKIEL 33:6

Mingka punna accini' nia' battu musu anjo pajagaya nampa tena nappasa'ra tanra bahaya, nampa battu musua ambunoi anjo tau dorakaya, tanggong jawa'na kamateanna anjo taua laKutuntuki battu ri ia.

YEHEZKIEL 33:8

Punna Kupau angkanaya nia' se're tau ja'dala' lamate, mingka tena nupakaingaki sollanna napinra panggaukanna sa'genna salama', lamatei salaku tau doraka ija. Mingka tanggong jawa'na kamateanna laKutuntuki battu ri kau.

LUKAS 11:50

Kammaminjo Nagaukang Allata'ala, sollanna akkulle nihukkung taua ri anne jammanga, lanri pammunoang le'baka nagaukang ke'nanga mae ri na'bi-na'bia, appakkaramula ri wattunna nipa'jari linoa.

IBRANI 7:22

Lanri iatommi anne na'jarimo Isa panjarreki ri janji la'bi bajikanganga.