PA'JARIANG 43:8 - KITTA' MATANGKASA'

⁸ Nampa nakanamo Yehuda, “Kipa'biammi amminawang anjo anaka. Inakke lantanggongi. La'lampami ikambe linta' sollanna tena kinia' mate cipuru'.

PA'JARIANG 43:8 ပူးပေါင်းရင်းမြစ်များ

PA'JARIANG 42:2

Kulangngere' kabaraki angkana nia' gandung nibalukang ri Mesir. A'lampamako mange anjoreng ammalli gandung, sollanna tena nimate cipuru'.”

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 44:20

Appialimi ikambe angkana, ‘Toami manggena ikambe siagang ri wattu toanami nalassu' andi'na ikambe. Daenna battu ri se'rea amma' anjo andi'na ikambe matemi. Jari kamma-kamma anne ia mami kalenna attallasa' battu ri ia rua massari'battang se're amma'. Nampa sanna' nikarimangnginna ri manggena ikambe.’

PA'JARIANG 44:26

Appialimi ikambe angkana, ‘Takkulleai ikambe a'lampa mange anjoreng, nasaba' takkulleai ikambe andallekang ri guburnurka punna tena namminawang todong andi'na ikambe bungkoa. Iapa nakkulle ikambe mange anjoreng punna a'lampa todong.’

PA'JARIANG 45:19

Suro tommi ke'nanga angngerang siapa are kareta battu anrinni, sollanna akkulle naerang bainenna siagang ana'-ana' ca'dina ke'nanga, siagang naalle manggena ke'nanga.

PA'JARIANG 50:21

Teako bata-batai. Lakupa'gannakkangko kaparalluannu ngaseng siagang ana'-ana'nu.” Kammaminjo, na napakasannammo Yusuf pa'mai'na ke'nanga, siagang kana-kana lamma, sa'genna dinging-dingimmo pa'mai'na ke'nanga.

PA'JARIANG 50:8

Sikamma kaluargana, sikamma sari'battanna, kammayatompa sikamma bija pammanakanna maraenga a'lampa ngaseng tommi. Ana'-ana' ca'diaji bawang siagang olo'-olo' piarana ke'nanga nabokoi ri Gosyen.

2 KARAENG-KARAENG 7:13

Nia'mo se're pangawala'na karaenga angkana, “Karaeng, ikatte niaka ija lalang ri anne kotaya sangkamma le'ba'ji sarenta siagang ke'nanga mateamo. Lanri kammana anjo bajiki punna nia' siapa are tau a'dongko' limang kayu jarang niaka ija nampa a'lampa ke'nanga mange anjoreng untu' anciniki apa le'baka kajariang.”

2 KARAENG-KARAENG 7:4

Punna antamakki' ri kotaya, lamate naalleki' cipuru'; na punna ammantangki' anrinni lamate tonjaki'. Umba baji' ki'lampa mange ri pakkemaanna tu Siria. Kaminang bellana nanabunoki' ke'nanga. Mingka akkulle tongi tenaja naapa-apaiki'.”

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

PAMMUJI 118:17

Tena kulamate, mingka tuli lattallasakka' untu' ankabarrangi bate pare'Na Batara.

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

PAMMILANGNGANG 14:31

Le'baki nupau angkanaya lanijakkalaki ana'-ana'nu. Mingka iami anjo ke'nanga laKuerang antama' ri anjo pa'rasangang nutollaka, nampa anjo pa'rasanganga la'jari butta passolongang cera'nami ke'nanga.

PAOLE 33:6

Ri sesena suku Ruben, nakana Musa, “Dasi-dasi tenanniakka napanra' suku Ruben, manna nasike'de'ja taunna.”