PA'JARIANG 43:7 - KITTA' MATANGKASA'

⁷ Appialimi ke'nanga angkana, “Katena tappu'na akkuta'nanga tojeng anjo taua mae ri kambe siagang ri passala'na kaluargata. Akkuta'nangi angkana, ‘Apaka attallasa' iji manggenu? Apaka nia'ija andi'nu bura'ne maraeng?’ Jari takkulleami tanipiali pakkuta'nanna. Antekamma lakkulle naasseng ikambe angkanaya lanasuroi ikambe angngerangi anjo andi'na ikambe?”

PA'JARIANG 43:7 ပူးပေါင်းရင်းမြစ်များ

PA'JARIANG 42:11

Ikambe anne tau assari'battang ngasengki' karaeng. Ikambe anne tau baji' ngasengki', teaiki' mata-mata.”

PA'JARIANG 42:13

Appialimi ke'nanga angkana, “Ikambe anne sampuloki' anrua assari'battang, karaeng. Ikambe anne ana' battu ri se're mangge ri pa'rasangang Kanaan. Nia' se're battu ri kambe matemi. Nampa nia' pole se're bungkoa kamma-kamma anne niaki siagang manggena ikambe.”

PA'JARIANG 43:27

Akkuta'nammi Yusuf ri passala'na kaadaanna ke'nanga. Nampa nakana, “Le'baki nucarita mae ri nakke ri passala'na manggenu toa duduamo. Antekamma kaadaanna? Baji'-baji'ji?”

PA'JARIANG 43:3

Nakanamo Yehuda ri ia, “Le'ba' maki' napakainga' guburnurka ri Mesir angkanaya tena sikali nikkulle mange andallekang punna tena naerangi andi'na ikambe.

PA'JARIANG 43:6

Nakanamo Yakub, “Angngapa nanususaia' lanri nupauanna anjo taua angkana nia' ija andi'nu?”

PA'JARIANG 44:19

Le'ba' maki' akkuta'nang mae ri kambe angkana, ‘Apaka nia' ija manggenu yareka sari'battannu maraeng?’