PA'JARIANG 43:5 - KITTA' MATANGKASA'

⁵ Mingka punna tena nakipa'biangi Benyamin amminawang, taerokai ikambe a'lampa. Nasaba' le'ba'mi napau anjo guburnurka angkanaya takkulleai ikambe mange andallekang punna tena namminawang andi'na ikambe.”

PA'JARIANG 43:5 ပူးပေါင်းရင်းမြစ်များ

PA'JARIANG 42:15

Erokka' ancobako: Assumpa' lanri arenna karaenga angkanaya takkullea ngasengko ambokoi anne pa'rasanganga punna tena nabattu anjo andi'nu bungkoa mae anrinni.

PA'JARIANG 42:20

Le'baki anjo musti nuerangi andi'nu bungkoa mae ri nakke. Iaminjo buttina sallang angkana ma'nassa kontutojengi anjo kanannu, siagang tenamo nulanihukkung mate.” Situjumi ke'nanga ri anjo natappukia guburnurka.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 43:3

Nakanamo Yehuda ri ia, “Le'ba' maki' napakainga' guburnurka ri Mesir angkanaya tena sikali nikkulle mange andallekang punna tena naerangi andi'na ikambe.

PA'JARIANG 43:4

Punna kipa'bianji amminawang andi'na ikambe, ero'ji ikambe mange anjoreng ammalli apa lanikanre.

PA'JARIANG 43:6

Nakanamo Yakub, “Angngapa nanususaia' lanri nupauanna anjo taua angkana nia' ija andi'nu?”

PA'JARIANG 44:23

Nampa kikana, ‘Takkullea ngasengko andallekang punna tena nuerangi anjo andi'nu.’

PA'JARIANG 44:25

Nampa nisuro ikambe ri manggena ikambe battu pole mae anrinni untu' ammalli apa-apa lanikanre.

PA'JARIANG 44:26

Appialimi ikambe angkana, ‘Takkulleai ikambe a'lampa mange anjoreng, nasaba' takkulleai ikambe andallekang ri guburnurka punna tena namminawang todong andi'na ikambe bungkoa. Iapa nakkulle ikambe mange anjoreng punna a'lampa todong.’

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.