PA'JARIANG 43:21 - KITTA' MATANGKASA'

^21-22 Lalang ri pa'jappanna ikambe ammotere', ri ero'na ikambe a'bangngi, nisungkemi karunna ikambe. Apaji nania' ngaseng anjo sikontu doe' lanipabayaraka lalang ri tompo'na gandunga. Tanaassengai ikambe angkana inai ampantamaki anjo doeka. Kamma-kamma anne niaki naerang ikambe ammotere' anjo doeka. Pantaranganna anjo nia' pole doe' naerang ikambe untu' ammalli pole apa lanikanrea.”

PA'JARIANG 43:21 ပူးပေါင်းရင်းမြစ်များ

PA'JARIANG 43:12

Angngerangko a'lappi rua jaina doe', nasaba' anjo doe' nugappaya lalang ri massing karunnu musti nupoterangi. Gassingka nia'naja tau lingu anjo wattua.

PA'JARIANG 43:15

Nampa a'lampamo anjo sikamma sari'battanna Yusuf. Naerammi ke'nanga anjo sikamma hadiaya siagang pole doe' a'lappi rua jaina. A'lampami ke'nanga mange ri Mesir siagang Benyamin. Battuna ke'nanga mange anjoreng, mangemi ke'nanga andallekang ri Yusuf.

PA'JARIANG 43:20

nakana, “Kipammopporanga' karaeng; le'ba'mi ikambe battu mae anrinni untu' ammalli apa lanikanre.

PA'JARIANG 44:8

Kalenta angngassengi karaeng, angkana anjo doe' nabuntuluka ikambe ri tompo'na gandunga lalang ri karunga, napoterammi ikambe mae ri katte. Jari, tena olona ikambe la'lukka' pera' yareka bulaeng battu ri balla'na guburnurka!

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

ROMA 13:8

Teako kainrangangi apa-apa mamo manna pole ri nai, pantaranganna kainrangang pangngamaseanga ri massing para ikau. Nasaba' inai-nai angkamaseangi paranna tau, sangkammami angkanaya nagaukang ngasemmi apa-apa Napassuroanga Allata'ala le'baka napabattu Musa.

IBRANI 13:18

Tuli appala' doangko untu' ikambe. Sanna' tappa'na angkana ci'nongi ati mailalanna ikambe, nasaba' ilalang sikontu-kontuna, tuli eroki ikambe anggaukangi apa-apa tojenga.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 3:16

Mingka gaukangi anjo siagang tuna pa'mai'nu yareka siagang baji'. Siagang parallui ci'nong ati mailalannu, sollanna punna nipitinako lanri tappa'nu mae ri Almasi lalang tallasa'nu, lasiri'-siri'mi mae ri kalenna anjo tau ampitinayako.