PA'JARIANG 43:17 - KITTA' MATANGKASA'

¹⁷ Nagaukammi palayanga anjo apa naparentakanga Yusuf. Naerammi anjo sikamma sari'battanna Yusuf antama ri balla'na guburnurka.

PA'JARIANG 43:17 ပူးပေါင်းရင်းမြစ်များ

PA'JARIANG 43:16

Ri wattunna nacini' Yusuf anjo Benyamin siagang sikamma daenna, nakanamo ri kapala palayanna ri balla'na, “Erangi anjo taua mange ri ballakku. Langnganrei ke'nanga siagang nakke anne alloa. Jari ammolongko olo'-olo' piara nampa nupatala.”

PA'JARIANG 43:18

Ri wattunna nierang ke'nanga antama' ri balla'na Yusuf, a'jari malla'mi ke'nanga. Nakanamo ri nawa-nawana ke'nanga, “Nierangki' mae anrinni kapassala' anjo doe' nigappaya lalang ri karunta ri wattu battu riolota pirangalloang. Lanajakkala' silalonna maki' ke'nanga, na naalle keledaita, nampa napa'jariki' atanna ke'nanga.”