PA'JARIANG 43:16 - KITTA' MATANGKASA'

¹⁶ Ri wattunna nacini' Yusuf anjo Benyamin siagang sikamma daenna, nakanamo ri kapala palayanna ri balla'na, “Erangi anjo taua mange ri ballakku. Langnganrei ke'nanga siagang nakke anne alloa. Jari ammolongko olo'-olo' piara nampa nupatala.”

PA'JARIANG 43:16 ပူးပေါင်းရင်းမြစ်များ

PA'JARIANG 15:2

Mingka nakanamo Abram, “O Batara Kaminang Tinggia, tena naKisarea' ana'. Tau langgappayai barang-barangku poro Eliezer bawang, iamintu atangku battua ri Damsyik. Jari apa matu-matunna anjo pahalaya mae ri nakke?”

PA'JARIANG 21:8

Pila' a'bakka'mi anjo anaka. Na ri wattunna narapi'mo wattunna nisa'la susu anjo anaka, appare'mi Abraham passua'-suarrang.

PA'JARIANG 26:30

Nampa natoanamo Ishak anjo ke'nanga, siagang angnganremi nangnginung ke'nanga.

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

PA'JARIANG 43:17

Nagaukammi palayanga anjo apa naparentakanga Yusuf. Naerammi anjo sikamma sari'battanna Yusuf antama ri balla'na guburnurka.

PA'JARIANG 43:19

Lanri kammana, ri wattunna nia' ke'nanga ri ampi' pakke'bu' balla'na Yusuf, akkuta'nammi ke'nanga ri kapala ruma tanggaya,

PA'JARIANG 44:1

Ilalanna anjo wattua naparentakammi Yusuf ri kapala palayanna ri balla', nakana, “Bonei ngasemmi karunna anjo taua, sipakkullena naerang ke'nanga. Nampa nupantama' massing doe'na ri massing karunna, ri tompo'na gandunga.

PA'JARIANG 44:4

Tenapa nabella ke'nanga battu ri kotaya anjo, nakanamo Yusuf ri kapala palayanna, “Ondangi linta' anjo taua. Punna nurapi' ke'nanga, angkana mako ri ke'nanga angkana, ‘Angngapa nubalasaki kabajikanga siagang kaja'dallang?

PANGNGEBARANG 9:2

Ammolommi olo'-olo' niparakai untu' assua'-suara', appare' je'ne' anggoro' siagang appasadia kanre nipatala.

1 SAMUEL 25:11

Kemae lakkulle kualle rotiku siagang je'ne' inungku kammayatompa dageng le'baka kupasadia untu' sikamma pacukkurukku, nampa kupassareang ngaseng mae ri tau tenaya nattantu assala'na!”