PA'JARIANG 43:11 - KITTA' MATANGKASA'

¹¹ Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

PA'JARIANG 43:11 ပူးပေါင်းရင်းမြစ်များ

PA'JARIANG 33:10

Nakanamo Yakub, “Teaki'! Punna sannang atinta ri nakke Daeng, kitarima laloi anne passareku. Untu' inakke punna kuciniki tanjatta sanrapangi kucini' tanja'Na Allata'ala, lanri bajitta mae ri nakke.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

PA'JARIANG 43:10

Ebara' angkana tena nisallo kamma attayang, mattantu pinruammi ammotere' ikambe.”

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

PA'JARIANG 43:15

Nampa a'lampamo anjo sikamma sari'battanna Yusuf. Naerammi ke'nanga anjo sikamma hadiaya siagang pole doe' a'lappi rua jaina. A'lampami ke'nanga mange ri Mesir siagang Benyamin. Battuna ke'nanga mange anjoreng, mangemi ke'nanga andallekang ri Yusuf.

PA'JARIANG 43:25

Le'baki anjo napasadiami ke'nanga hadia naeranga ke'nanga untu' napassareang mae ri Yusuf punna nia' battu ri wattu tangngana alloa. Nasaba' le'ba'mi nipauang ke'nanga angkana lasipangnganreangi ke'nanga siagang Yusuf.

PA'JARIANG 43:26

Ri wattunna battu Yusuf mae ri balla', napassareammi ke'nanga anjo hadiaya mae ri Yusuf, nampa su'ju' ke'nanga.

1 KARAENG-KARAENG 10:15

tena nirekengi passawallang-passawallang nagappaya a'danggang, siagang sima-sima battua ri sikamma padangganga, karaeng-karaeng Arab siagang guburnur-guburnurna Israel.

1 KARAENG-KARAENG 10:25

Massing battui ke'nanga angngerang hadia untu' Salomo. Massing assarei ke'nanga barang-barang pera', bulaeng, pakeang, sanjata, rampa-rampa, jarang siagang keledai. Kammaminjo taung-taung.

1 KARAENG-KARAENG 15:19

“Umba kippare' passari'battangngang sangkamma le'baka nagaukang tau toata. Nia' kukiring bulaeng siagang pera' salaku hadia, nampa kupala' sollanna kitappu' passisambunganta siagang Baesa karaeng Israel, sollanna napasulu' ammotere' pasukanna battu ri daeraku.”

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

2 KARAENG-KARAENG 16:8

Angngalle tommi Ahas bulaeng siagang pera' battu ri Balla'Na Batara, kammayatompa pa'barang-barangngang niaka ri balla' karaenga, nampa nakiring a'jari hadia mae ri anjo karaeng Asyur.

2 KARAENG-KARAENG 20:12

Anjo wattua karaeng Babel, iamintu niarenga Merodakh-Baladan ana'na Baladan, nalangngereki kabara'na angkanaya beru ammollei Karaeng Hizkia battu ri garrinna. Jari nia'mo tau nasuro angngerang sura' siagang hadia mae ri Karaeng Hizkia.

2 KARAENG-KARAENG 8:8

nakanamo ri Hazael, iamintu kalase'renna pagawena, “Angngerangko hadia mae ri anjo na'bia, nampa nupala' sollanna akkuta'nang ri Batara, apaka anne inakke akkullea' a'jari baji' ri garringku yareka tena.”

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

PAMMUJI 68:29

Natuntuki Allata'ala kagassingannu; o, Allata'ala, pakajarreki apa le'baka Kigaukang mae ri kambe.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 76:11

Manna tau sannaka palla'na mammuji todong ri Katte, siagang tau larroaija ammake kaeng karung tanra susana.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

PANGNGEBARANG 17:18

Tau a'janjia antanggongi inranna paranna tau, iami tau tolo.

PANGNGEBARANG 18:16

Hadiaya anynyungkei oloang siagang angngantaraki mange ri tau malompoa.

PANGNGEBARANG 19:6

Tunggala' tau usahai angngallei pa'mai'na tau malompoa; sikontuna taua eroki a'jari agang mae ri tau nangaia assare.

PANGNGEBARANG 21:14

Untu' ampanaungi larro duduna taua, a'mere'-merekiko ansarei hadia.

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

KELONG MALA'BIRI' 4:14

narwastu, kunyi', kayu te'ne siagang ta'bu, siagang sangka' rupa poko' kayu kamanynyang. Muru' siagang gaharu, siagang sangka' rupa rampa-rampa nipilea.

KELONG MALA'BIRI' 8:14

Tanringku, battu mako mae rapang kijang, rapang ana' jonga battua ri monconna Beter.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

YEHEZKIEL 27:15

Pandudu'na Rodus a'danggang tongi siagang ikau kammayatompa pandudu'na daera biring tamparanga naballi barang-barannu siagang gading siagang kayu le'leng.

YEHEZKIEL 27:17

Yehuda siagang Israel napassambei barang-barang danggangannu siagang gandung, je'ne' bani, minynya' zaitun, siagang rampa-rampa.

YEHEZKIEL 27:22

Untu' amballi barang-barannu sikamma padanggang battua ri Syeba siagang Raema angngerangi paramata-paramata, bulaeng, siagang rampa-rampa kaminang bajika.

KAIMANGNGANG 20:24

Pa'rasangang akkalumanynyanga siagang copponga buttana anjo, le'ba'mi Kupa'janjiang mae ri kau, jari Kupassareangi mae ri kau untu' nupatang. INakke Karaeng Allata'alanu le'baka ansa'lakko battu ri alla'na bansa-bansa maraenga.

LAMPA-LAMPANA 21:14

Taerokai Paulus ampilangngeri kananna ikambe, jari ammari maki' ampisangkai Nikanamo: “Boli'mi kamma naero'Namo bawang Batara anjari.”

PAOLE 33:14

Dasi-dasi nakala'biang ri rappo-rappoang punna narapi' wattunna, rappo kaminang bajika, ti'noka ri poko'-poko'na.

1 SAMUEL 25:27

Kitarimami anne passare naeranga atanta untu' karaengku siagang ana' buana karaengku.

1 SAMUEL 9:7

Nakanamo Saul, “Punna mangeki' ri ia, apa lanisareangi? Bokong nieranga la'busu'mi, na ikatte tenamo apa-apanta untu' lanisareangi anjo atanNa Allata'ala.”