PA'JARIANG 43:1 - KITTA' MATANGKASA'

¹ Pila' sarrimmi kacipuranga ri Kanaan.

PA'JARIANG 43:1 ပူးပေါင်းရင်းမြစ်များ

PA'JARIANG 12:10

Mingka anjo wattua naallei kacipurang lompo taua ri butta Kanaan. Sa'genna pila' bellami jappana Abram a'lampa timboro', mange ri butta Mesir, nampa ammantang anjoreng sa'genna allalo anjo bala kacipurang lompoa.

PA'JARIANG 18:13

Nampa akkuta'nang Batara ri Abraham angkana, “Angngapa nammakkala' Sara siagang ranggasela angkanaya maka lakkulle iji allassukang ana' ri wattu toanamo?

PA'JARIANG 26:1

Anjo wattua naallemi cipuru' pa'rasanganga sangkamma apa le'baka kajariang ri jammanna Abraham. Mangemi Ishak andallekang ri Abimelekh, karaeng Filistin, ri Gerar, appala' ising untu' ammantang anjoreng.

PA'JARIANG 42:5

Lanri naallei kacipurang pa'rasangang Kanaan, a'lampami ana'-ana'na Yakub siagang tau maraenga mange ri Mesir untu' ammalli gandung.

PA'JARIANG 43:2

Na ri wattunna la'busu'mo gandunna kaluargana Yakub, ia le'baka naballi ri Mesir, nakanamo Yakub ri sikamma ana'na, “A'lampamako pole mange anjoreng na nupammalliangki' gandung.”

PA'JARIANG 47:4

Battui anne ikambe untu' ammantang anrinni ri pa'rasanganga, lanri sanna' sarrinna kacipuranga ri Kanaan, sa'genna tenamo ruku' untu' lanakanre sikamma bembena siagang gimbala'na ikambe. Kisaremi ikambe pangngellai untu' ammantang ri Daera Gosyen.”

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.