PA'JARIANG 42:27 - KITTA' MATANGKASA'

²⁷ Ri tampa' pa'bangngianna ke'nanga, nia'mo kalase'renna ke'nanga ansungkei karung gandunna, lanri ero'na nasare kanre keledaina. Nabuntulu'mi anjo doeka irateanna anjo gandunga.

PA'JARIANG 42:27 ပူးပေါင်းရင်းမြစ်များ

PA'JARIANG 24:25

Ri balla'na ikambe nia'ja tampa' pa'bangngiang untu' ikatte, kammayatompa jai ruku' untu' kanre olo'-olo'.”

PA'JARIANG 42:26

Le'baki anjo napanai'mi sikamma daenna Yusuf anjo gandunga ri keledaina ke'nanga. Nampa a'lampamo ke'nanga battu anjoreng.

PA'JARIANG 42:35

Nampa, ri wattunna napasulu' bone karunna ke'nanga, massing nagappami pammoneang doe'na ke'nanga siagang doe'na. Malla'mi ke'nanga siagang manggena ke'nanga.

PA'JARIANG 43:18

Ri wattunna nierang ke'nanga antama' ri balla'na Yusuf, a'jari malla'mi ke'nanga. Nakanamo ri nawa-nawana ke'nanga, “Nierangki' mae anrinni kapassala' anjo doe' nigappaya lalang ri karunta ri wattu battu riolota pirangalloang. Lanajakkala' silalonna maki' ke'nanga, na naalle keledaita, nampa napa'jariki' atanna ke'nanga.”

PA'JARIANG 44:11

Linta'mi ke'nanga massing ampanaungi siagang ansungkei karunna.

KALAPPASSANG 4:24

Ri se'reang tampa' pakkemaang lalang anjo pa'jappanga, battui Batara mae ri Musa siagang eroki Nabuno Musa.

LUKAS 10:34

A'reppese'mi mange ri anjo taua nampa nabissai loko'na nampa naballei siagang minynya' na anggoro', nampa naroko' kaeng anjo lokoka. Le'baki anjo napanai'mi anjo taua ri jaranna, nampa naerang a'lampa anjo taua mange ri balla' pa'bangngianga naparakai.