PA'JARIANG 42:24 - KITTA' MATANGKASA'

²⁴ Nabokoimi Yusuf anjo ke'nanga nampa angngarru'. Ri wattunna akkullemo pole a'bicara, ammotere'mi pole mae ri ke'nanga. Nampa naalle Simeon, na nasuro sikko' ri dallekanna sikamma sari'battanna.

PA'JARIANG 42:24 ပူးပေါင်းရင်းမြစ်များ

PA'JARIANG 34:25

Tallungallo ri le'ba'na, ilalang ri pa'risi'na ngaseng ija sikontu tu bura'nea lanri le'ba'na nisunna', rua ana'na Yakub, iamintu daenna Dina, niarenga Simeon siagang Lewi, angngallemi pa'dang. Nampa accokko-cokko antama ri kotaya. Nampa nabuno ngaseng sikontu tu bura'nea anjoreng,

PA'JARIANG 42:23

Napahangi Yusuf anjo bicaranna ke'nanga. Mingka tanaassengai ke'nanga angkana napahangi Yusuf anjo bicaranna ke'nanga, lanri ammakei Yusuf tau untu' ampalembai bicaranna.

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

PA'JARIANG 43:23

Nakanamo anjo palayanga, “Teako mallakki. Teako bata-batai. Allata'ala, iamintu Allata'ala napakalompoa manggenu, iami ampantamaki anjo doeka ri karunnu. Le'ba'mi kutarima pa'bayara'nu untu' anjo gandunga.” Le'baki anjo naerammi Simeon mae ri ke'nanga.

PA'JARIANG 43:30

Tanatahangngami pa'mai'na Yusuf napakamma nakku'na siagang mangngamaseanna ri andi'na. Sike'de' mami tanakullea naparrangngi kalenna. Jari sikali a'lampami linta' battu ri anjo tampaka, nampa antama ri kamara'na angngarru'.

PA'JARIANG 45:1

Takkulleami naparrangngi pa'mai'na Yusuf ri dallekanna sikamma pagawena. Jari nasuromi ke'nanga a'lampa ambokoi anjo tampaka, sollanna akkulle napappiassengang kalenna mae ri sikamma sari'battanna.

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!