PA'JARIANG 42:22 - KITTA' MATANGKASA'

²² Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

PA'JARIANG 42:22 ပူးပေါင်းရင်းမြစ်များ

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

PA'JARIANG 42:23

Napahangi Yusuf anjo bicaranna ke'nanga. Mingka tanaassengai ke'nanga angkana napahangi Yusuf anjo bicaranna ke'nanga, lanri ammakei Yusuf tau untu' ampalembai bicaranna.

PA'JARIANG 45:3

Nakanamo Yusuf ri anjo sikamma sari'battanna, “Inakke minne Yusuf. Attallasa' iji bapa'?” Nacini'na anjo kammaya, malla' sikalimi anjo sikamma sari'battanna, sa'genna takkullea appiali.

PA'JARIANG 50:15

Ri matenamo manggena ke'nanga, nakanamo sikamma sari'battanna Yusuf, “Antekamma ebara' angkana napammoli'-molikangki' Yusuf nampa nabalasa' anjo kaja'dallanta pirangalloang?”

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:33

Hukkungang lanri kamateanna anjo ruaya perwira lanatanggongi Yoab siagang turunganna sa'genna satunggu-tungguna. Mingka sikontu turunganna manggeku a'jari karaenga, tuli lanibarakkaki ri Batara – laupaki ke'nanga.”

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

LUKAS 23:41

Mingka ikatte siratang memang tongki' nihukkung situru' panggaukanta. Mingka Ia tena sikali salaNa!”

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

1 SAMUEL 19:4

Nampa nabicaramo Yonatan kabajikanna Daud mae ri Saul, angkana, “Bapa', teaki panraki anjo atanta Daud. Nasaba' tena apa-apa kasalang le'ba' nagaukang mae ri katte. Ba'lalo jai sikalimi jasana mae ri katte.