PA'JARIANG 42:2 - KITTA' MATANGKASA'

² Kulangngere' kabaraki angkana nia' gandung nibalukang ri Mesir. A'lampamako mange anjoreng ammalli gandung, sollanna tena nimate cipuru'.”

PA'JARIANG 42:2 ပူးပေါင်းရင်းမြစ်များ

PA'JARIANG 42:3

Jari a'lampami anjo sampuloa daenna Yusuf untu' mange ammalli gandung ri Mesir.

PA'JARIANG 43:2

Na ri wattunna la'busu'mo gandunna kaluargana Yakub, ia le'baka naballi ri Mesir, nakanamo Yakub ri sikamma ana'na, “A'lampamako pole mange anjoreng na nupammalliangki' gandung.”

PA'JARIANG 43:4

Punna kipa'bianji amminawang andi'na ikambe, ero'ji ikambe mange anjoreng ammalli apa lanikanre.

PA'JARIANG 43:8

Nampa nakanamo Yehuda, “Kipa'biammi amminawang anjo anaka. Inakke lantanggongi. La'lampami ikambe linta' sollanna tena kinia' mate cipuru'.

PA'JARIANG 45:9

Kamma-kamma anne akkaro-karo ngaseng mako ammotere' mange ri bapa', nampa nupauang angkana inakke Yusuf, ana'na, akkana kamma anne, ‘Napa'jarima' Allata'ala tukoasa ri sikontu Mesir. Battu maki' mae linta'.

PAMMUJI 118:17

Tena kulamate, mingka tuli lattallasakka' untu' ankabarrangi bate pare'Na Batara.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 33:19

Napasalamaki ke'nanga battu ri kamateanga, na Natallassi ke'nanga ri wattu kacipuranga.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

MATIUS 4:4

Appialimi Isa Nakana, “Nia' tattulisi' lalang ri Kittaka angkanaya: Tena nalanri battu ri rotija bawang nakkulle attallasa' rupataua, mingka lanri battu ri kana-kana Napabattua pole Allata'ala.”

LAMPA-LAMPANA 7:12

Jari ri wattunna nalangngere' Yakub angkana nia' gandung ri Mesir nasuromi ana'-ana'na, iamintu boe-boeta a'lampa mange anjoreng, maka sikalina.