PA'JARIANG 42:19 - KITTA' MATANGKASA'

¹⁹ Untu' nupa'butti angkanaya tau lambusu' ngasengko, kalase'rennu lanitahang anrinni ri tarungkua. Ia maraenga akkullei ammotere' siagang naerangi anjo le'baka nuballi untu' kaluarganu ia cipuruka lalang kamma-kamma anne.

PA'JARIANG 42:19 ပူးပေါင်းရင်းမြစ်များ

PA'JARIANG 40:3

Napantama'mi ke'nanga ri tarungkua, iamintu balla' tahananna kapala pangawala'na balla' karaenga. Nania' Yusuf lalang ri anjo tampa' tahananga.

PA'JARIANG 41:56

Ri wattunna pila' a'jari sarrimmo anjo kacipuranga, siagang alla'bammi mae ri sikontu pa'rasanganga, nasungkemi Yusuf sikamma gudanga nampa nabalukang anjo gandunga mae ri tu Mesir.

PA'JARIANG 42:11

Ikambe anne tau assari'battang ngasengki' karaeng. Ikambe anne tau baji' ngasengki', teaiki' mata-mata.”

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

PA'JARIANG 42:20

Le'baki anjo musti nuerangi andi'nu bungkoa mae ri nakke. Iaminjo buttina sallang angkana ma'nassa kontutojengi anjo kanannu, siagang tenamo nulanihukkung mate.” Situjumi ke'nanga ri anjo natappukia guburnurka.

PA'JARIANG 42:26

Le'baki anjo napanai'mi sikamma daenna Yusuf anjo gandunga ri keledaina ke'nanga. Nampa a'lampamo ke'nanga battu anjoreng.

PA'JARIANG 42:33

Nakana anjo guburnurka, ‘Erokka' ancoba ngasengko, untu' angngassengi angkana apaka ma'nassa tau lambusu' ngasengko. Kalase'rennu musti ammantang. Maraenga akkullei ammotere' angngerang gandung mange ri kaluargana ia sessaya napakamma cipuru' ri kamma-kammaya anne.

PA'JARIANG 45:23

Napikatuimi manggena sampulo keledai attekeka barang-barang kaminang bajika ri Mesir, sampulo keledai attekeka gandung, roti siagang kanre-kanre maraeng untu' lanakanre lalang pa'jappana mange ri Mesir.

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.

YESAYA 42:7

Untu' ansungkei matanna tau butaya, siagang allappassangi taua battu ri sassanna tarungkua.

YEREMIA 37:15

Sanna' larrona ke'nanga ri nakke, siagang naparentakammi ke'nanga sollangku niba'ji nampa nikurung ri balla'na Yonatan, juru tulisi'na pamarentaya. Anjo ballaka nipa'jarimi balla' tarungku.