PA'JARIANG 42:15 - KITTA' MATANGKASA'

¹⁵ Erokka' ancobako: Assumpa' lanri arenna karaenga angkanaya takkullea ngasengko ambokoi anne pa'rasanganga punna tena nabattu anjo andi'nu bungkoa mae anrinni.

PA'JARIANG 42:15 ပူးပေါင်းရင်းမြစ်များ

PA'JARIANG 42:12

Nakanamo Yusuf ri ke'nanga, “A'balle-balle ngasengko! Battuko ero' ansalidiki angkana kemae kalammaanna anne pa'rasanganga.”

PA'JARIANG 42:14

Appialimi Yusuf angkana, “Kammatojengi kanangku. Ikau ngaseng anne mata-matako.

PA'JARIANG 42:16

Kalase'rennu musti ammotere' angngallei. Ia maraenga lanitahangi sa'genna a'butti kanannu ngaseng. Punna tena, lanri arenna karaenga, ikau ngaseng anne ma'nassa mata-matako!”

PA'JARIANG 42:20

Le'baki anjo musti nuerangi andi'nu bungkoa mae ri nakke. Iaminjo buttina sallang angkana ma'nassa kontutojengi anjo kanannu, siagang tenamo nulanihukkung mate.” Situjumi ke'nanga ri anjo natappukia guburnurka.

PA'JARIANG 42:30

“Kasara' sikali bicaranna anjo guburnur Mesir mae ri kambe. Nampa natudu pole ikambe ammata-matai pa'rasanganna.

PA'JARIANG 42:34

Punna ammotere' mako angngerangi mae anjo andi'nu bungkoa lakuassemmi angkana teaiko mata-mata, passangalinna tau lambusu'. Jari anjo sari'battannu kutahanga lakupoterammi mae ri kau ngaseng, siagang akkulle mako ammantang ri anne pa'rasanganga. Kammayatompa bebasakko a'danggang.’ ”

PA'JARIANG 42:7

Ri wattu nacini'na Yusuf anjo sikamma daenna, narupami ke'nanga. Mingka sara-sarai tanaassenga ke'nanga. Kasara'mi bicaranna ri ke'nanga. Akkuta'nangi angkana, “Ikau ngaseng anne tu battu kemaeko?” Appialimi ke'nanga angkana, “Ikambe tubattu ri Kanaan. Battui ikambe untu' ammalli apa lanakanrea ikambe.”

PA'JARIANG 43:3

Nakanamo Yehuda ri ia, “Le'ba' maki' napakainga' guburnurka ri Mesir angkanaya tena sikali nikkulle mange andallekang punna tena naerangi andi'na ikambe.

PA'JARIANG 43:5

Mingka punna tena nakipa'biangi Benyamin amminawang, taerokai ikambe a'lampa. Nasaba' le'ba'mi napau anjo guburnurka angkanaya takkulleai ikambe mange andallekang punna tena namminawang andi'na ikambe.”

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

YEREMIA 5:7

Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.

1 SAMUEL 17:55

Nacini'na Saul a'lampa Daud mange angngewai Goliat, akkuta'nammi ri Abner panglima tantarana angkana, “Abner, inai ana' anjo?” Appialimi Abner angkana, “Tanaassengai atanta karaeng.”

1 SAMUEL 20:3

Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”