PA'JARIANG 41:8 - KITTA' MATANGKASA'

⁸ Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

PA'JARIANG 41:8 ပူးပေါင်းရင်းမြစ်များ

PA'JARIANG 40:6

Ri wattunna battu Yusuf mae ri ke'nanga ammukona bari'basa', si'nami nicini' ke'nanga.

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 41:15

Nakanamo karaenga mae ri ia, “Le'bakka' asso'na, namanna sitau tena akkulle ampakasingaraki apa battuanna. Nia' angkabarrangi ri nakke angkanaya akkulleko ampakasingaraki battuanna so'naya.”

PA'JARIANG 41:24

Nampa anjo bulere' gandung bajika assinna nia'lu'mi ri anjo bulere' gandung opaya. Le'ba'mi kucarita anne ruaya so'naku mae ri sikamma pacinika, mingka tena manna sitau akkulle ampakasingaraki apa battuanna.”

PA'JARIANG 41:7

Nampa nia'lu'mo anjo tujua bulere' gandung bajika assinna ri anjo tujua bulere' gandung opaya. Le'baki anjo ambangummi karaenga siagang angngu'rangimi angkana asso'nai.

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

KALAPPASSANG 7:11

Lanri kammana nasuro kio' tommi karaenga sikamma taunna niaka pangngissenganna siagang cara'deka a'bale'-bale' mata, nampa nagaukang todong kammaya siagang pangngissenganna ke'nanga.

KALAPPASSANG 7:22

Mingka nagaukang tommi kammaya anjo sikamma tucara'de'na tu Mesir, iamintu napakei pangngissenganna ke'nanga. Jari tuli kapala batuna karaenga. Kamma le'baka Napau Batara, taerokai karaenga ampilangngeri Musa siagang Harun.

KALAPPASSANG 8:7

Mingka napajappa tommi pangngissenganna sikamma pabale'-bale' matana ke'nanga, nampa appaumba tommo tumpang ri anjo pa'rasanganga.

KALAPPASSANG 9:11

Sikamma tau niaka pangngissenganna ri anjo tu Mesirka tena ngaseng nakkulle mange andallekang ri Musa lanri rassi ngasengi kalenna ke'nanga siagang lattang sangkamma tu Mesir maraenganga.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

DANIEL 4:18

He Beltsazar, iaminjo so'naku. Kamma-kamma anne paumi ri nakke apa battuanna anjo so'naku. Tena manna sitau battu ri sikamma tau cara'de' niaka lalang kakaraengangku akkulle ampauanga' battuanna, mingka ikau akkulleko, nasaba' nikoasaiko ri rohna rewata-rewata matangkasaka.”

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

DANIEL 4:5

Mingka ri se'reang bangngi, ri wattu lalang tinroku, asso'na' anggappa paccini', sannaka napakalussa'na nyawaku.

DANIEL 4:6

Nampa kukio' sikamma tucara'deka, ia niaka ri Babel untu' ampakasingaraki battuanna anjo so'naya mae ri nakke.

DANIEL 4:7

Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

LAMPA-LAMPANA 17:18

Assigea'mi Paulus siagang guru-guru battua ri golongang Epikuros siagang golongang battua ri Stoa. Nia' siapa are maraeng ri ke'nanga angkana, “Apa todong naasseng anne taua? Sike'de' duduji pangngissenganna mingka teai sipato' jaina bicaranna!” Nia' todong siapa are tau angkana, “Kamma nicini' rewata-rewata bansa maraeng nakabarrang.” Akkana kammai anjo ke'nanga, lanri passala'Na Isa siagang passala' attallasa'Na ammotere' Isa battu ri kamateanga nabicara Paulus mae ri ke'nanga.

LAMPA-LAMPANA 7:22

Sikamma pappilajaranna bansa Mesirka nipangngajarrang tommi mae ri ia. Na'jarimo tau sannaka lompona koasana, baji' lalang kana-kananna kammayatompa lalang panggaukanna.

1 KORINTUS 1:19

Nasaba' Nakana Allata'ala lalang ri Kittaka, “LaKukacoi kaporeanna tau cara'deka siagang laKupa'lanynyaki pammahanna tau niaka pangngassenganna.”

1 SAMUEL 6:2

nakio'mi tu Filistin sikamma imanna siagang sanro-sanro porea nampa akkuta'nang angkana, “Laniapami anjo Patti Parjanjianga? Punna nipoterangi mange ri tampa'na, antekamma carana?”