PA'JARIANG 41:51 - KITTA' MATANGKASA'

⁵¹ Nakanamo Yusuf, “Napa'jarimi Allata'ala kukaluppai sikontu pa'risikku siagang mae ri sikamma bija pammanakanna manggeku.” Lanri kammana naaremmi anjo ana' bungasa'na “Manasye”.

PA'JARIANG 41:51 ပူးပေါင်းရင်းမြစ်များ

PA'JARIANG 41:30

Le'baki anjo labattumi wattu kacipurang tuju taung sallona. Sa'genna nikaluppai taba sikalimo anjo wattu kala'bianga ri kanre-kanreang, lanri sanna' duduna anjo wattu kacipuranga, sa'genna kalotoro' anne pa'rasanganga.

PA'JARIANG 41:50

Ri tenanapa nabattu anjo wattu kacipuranga, ammana'mi Asnat, iamintu bainenna Yusuf. Rua ana'na, sangnging bura'ne.

PA'JARIANG 41:52

Nakanamo pole, “Nasarema' ana' Allata'ala ilalang ri kasukkarrangku.” Nampa naareng anjo ana' makaruaya “Efraim”.

PA'JARIANG 48:1

Siapa are allo ribokoanganna nipabattuammi kabara' Yusuf angkana garring sannaki manggena. Jari a'lampami mange angkunjungi Yakub. Naerang tongi ruaya ana'na, iamintu Manasye siagang Efraim.

PA'JARIANG 48:5

Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

AYUB 11:16

ba'lalo pa'risi'nu tenamo nanuu'rangi; sanrapang a'ba naungamo, nikaluppaimi ri taua.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 45:10

Ri alla'na dayang-dayang balla' lompoa nia' ana'-ana' tulolonna karaeng. Ri sa'ri kanang empoang kala'biranga ammentengi bainenna karaeng ammake belo-belo bulaeng ti'no'.

PANGNGEBARANG 31:7

Angnginungi ke'nanga untu' angkaluppai kakasi-asianna siagang kasusaanna ke'nanga.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

YESAYA 65:16

Tunggala' taua ri anjo pa'rasanganga, ia appalaka barakka', lanapalaki sollanna nibarakkaki ri Allata'ala tamamminraya. Tunggala' taua eroki assumpa; lassumpai lanri arenNa Allata'ala tamamminraya. Saba' kasessang rioloa tappela'mi siagang nikaluppaimi.”

PAMMILANGNGANG 26:28

Battu ri jari-jarina Yusuf, niaka rua ana'na bura'ne: suku Manasye siagang suku Efraim.

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”