PA'JARIANG 41:49 - KITTA' MATANGKASA'

⁴⁹ Anjo gandung napasse'rea teai sipato' jaina. Sa'genna tenamo nalitereki Yusuf lanri jaina sanrapangi kassika ri biring tamparanga.

PA'JARIANG 41:49 ပူးပေါင်းရင်းမြစ်များ

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 41:48

Napasse'remi Yusuf anjo gandunga nampa naboli' ri kota-kotaya. Lalang ri massing kotaya ammoli'mi gandung, wassele'na sikamma koko a'reppeseka ri anjo kotaya.

PA'JARIANG 41:50

Ri tenanapa nabattu anjo wattu kacipuranga, ammana'mi Asnat, iamintu bainenna Yusuf. Rua ana'na, sangnging bura'ne.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

PAMMUJI 78:27

Appaturungi jangang-jangang mae ri umma'Na, sangkamma kassi' jaina, takkullea nirekeng.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

HAKING-HAKING 6:5

Pila' sanna' jaina tu battu angngerangi olo'-olo'na siagang appare'mi kema ke'nanga, sanna' jaina. Punna lanirekengi sanna' sikali jaina ke'nanga, kammayatompa onta-ontana ke'nanga sanna' todong jaina. Battumi ke'nanga ampanra'-panraki anjo pa'rasanganna tu Israel.

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.