PA'JARIANG 41:43 - KITTA' MATANGKASA'

⁴³ Nampa napassareang mae ri Yusuf kareta kakaraengang makaruaya untu' napake Yusuf, siagang a'jappami pangawala' kala'biranna karaenga ri dallekanna anjo karetaya, nakkiok-kio' anjo pangawalaka angkana, “Tutuko! Sarei oloang! Sarei oloang!” Kammaminjo naniangka'mo Yusuf a'jari guburnur mange ri sikontu Mesir.

PA'JARIANG 41:43 ပူးပေါင်းရင်းမြစ်များ

PA'JARIANG 41:44

Nakanamo karaenga ri ia, “Inakke karaeng. Na kupa'la'bammo angkanaya punna tena nukellai, tena manna sitau akkulle anggaukang apa-apa ri sikontu Mesir.”

PA'JARIANG 42:30

“Kasara' sikali bicaranna anjo guburnur Mesir mae ri kambe. Nampa natudu pole ikambe ammata-matai pa'rasanganna.

PA'JARIANG 42:33

Nakana anjo guburnurka, ‘Erokka' ancoba ngasengko, untu' angngassengi angkana apaka ma'nassa tau lambusu' ngasengko. Kalase'rennu musti ammantang. Maraenga akkullei ammotere' angngerang gandung mange ri kaluargana ia sessaya napakamma cipuru' ri kamma-kammaya anne.

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 45:26

Nakanamo ke'nanga ri manggena, “Attallasa' iji Yusuf! Ia a'jari tukoasa ri Mesir!” Nalangngere'na anjo kabaraka, takkajannammi Yakub, siagang tena napatappaki ke'nanga.

PA'JARIANG 45:8

Jari, teai passabakkang ikau ngaseng nakunia' anrinni, mingka passala' Allata'ala. Iami ampa'jaria' pagawe kaminang tinggi ri karaeng Mesir. Nisarema' koasa mae ri sikontu bone balla'na siagang mae ri sikontu pa'rasangang Mesir.

PA'JARIANG 50:18

Nampa battumo kalenna anjo sikamma sari'battanna siagang su'ju'mi ke'nanga ri dallekanna, nampa nakana, “Ikambe anne atannu.”

PA'JARIANG 50:9

Pasukang akkaretaya siagang a'jaranga amminawang tommi, sa'genna sanna'mo la'buna anjo barisanga.

ESTER 10:3

Mordekhai, anjo tu Yahudia, tuli naempoina anjo pangka' kaminang tinggia, irawangang kalenna Karaeng Ahasyweros. Anjo Mordekhai nipakalompoi siagang ningai ri sikamma julu bansana. Usahai untu' kasalamakkanna siagang kasalewanganna bansana kammayatompa sikontu turunganna ke'nanga.

ESTER 3:2

Naparentakammi karaenga sikontu pagawena sollanna napakala'biri' anjo Haman siagang su'ju' ri dallekanna. Sikontu pagawea naturuki anjo parentaya, pantaranganna Mordekhai.

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

FILIPI 2:10

Jari, sollanna nipakala'biri' Isa, sikontu apa-apa attallasaka ri suruga, siagang ri linoa, siagang rawanganna linoa, lanynyomba ngasemmi mae ri Ia.