PA'JARIANG 41:41 - KITTA' MATANGKASA'

^41-42 Le'baki anjo napasulu'mi battu ri karemenna karaenga cincing niaka ukiri' sitempele'na kakaraenganga. Nampa napantama' ri karemenna Yusuf na nakana, “Kamma-kamma anne kuangkakko a'jari guburnur mae ri sikontu Mesir.” Nampa napipakei Yusuf juba kaeng lenang halusuka, siagang nipikalukiang kallonna se're rante bulaeng.

PA'JARIANG 41:41 ပူးပေါင်းရင်းမြစ်များ

PA'JARIANG 39:22

Napappirannuangi sikamma tahanang maraenga mae ri Yusuf. Yusuf nisare tanggong jawa' mae ri sikontu jamang-jamang lalanga ri anjo tarungkua.

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

PA'JARIANG 41:44

Nakanamo karaenga ri ia, “Inakke karaeng. Na kupa'la'bammo angkanaya punna tena nukellai, tena manna sitau akkulle anggaukang apa-apa ri sikontu Mesir.”

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 45:8

Jari, teai passabakkang ikau ngaseng nakunia' anrinni, mingka passala' Allata'ala. Iami ampa'jaria' pagawe kaminang tinggi ri karaeng Mesir. Nisarema' koasa mae ri sikontu bone balla'na siagang mae ri sikontu pa'rasangang Mesir.

ESTER 10:3

Mordekhai, anjo tu Yahudia, tuli naempoina anjo pangka' kaminang tinggia, irawangang kalenna Karaeng Ahasyweros. Anjo Mordekhai nipakalompoi siagang ningai ri sikamma julu bansana. Usahai untu' kasalamakkanna siagang kasalewanganna bansana kammayatompa sikontu turunganna ke'nanga.

PAMMUJI 105:21

Nisaremi tugasa' angngurusuki balla' lompona karaenga, nisarei koasa mae ri sikontu barang-baranna;

PANGNGEBARANG 17:2

Ata cara'deka lakoasai mae ri ana' appakasirika; na lannarima warisi' siagang sikamma sari'battanna anjo anaka.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

DANIEL 6:3

Daniel siagang rua tau maraengannaya niangkaki untu' angngawasi anjo sikamma guburnurka sollanna tena nanirugikangi karaenga.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.