PA'JARIANG 41:14 - KITTA' MATANGKASA'

¹⁴ Jari nasuro allemi karaenga anjo Yusuf, nampa napasulu' linta' battu ri tarungkua. Le'baki accukkuru' Yusuf siagang nasambei pakeanna, mangemi andallekang ri karaenga.

PA'JARIANG 41:14 ပူးပေါင်းရင်းမြစ်များ

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

2 KARAENG-KARAENG 25:29

Tenamo nammakeang tunitarungku Yoyakhin, siagang biasai angnganre ri balla' karaenga, kammayatompa nisarei doe' untu' kaparalluang katallassanna.

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

KALAPPASSANG 10:16

Akkaro-karomi karaenga angkioki Musa siagang Harun nampa nakana, “Dorakama' mae ri Karaeng Allata'alanu siagang mae ri kau sipa'rua.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

DANIEL 2:25

A'lampami linta' Ariokh angngerangi Daniel mange andallekang ri Karaeng Nebukadnezar nampa nakana, “Nia'mo nagappa atanta ri alla'na tu Yahudi nipelaka sitau akkullea ampauangki' battuanna anjo so'nata karaeng.”