PA'JARIANG 4:20 - KITTA' MATANGKASA'

²⁰ Ada angnganakkangi Yabal, na iaminne sossoranna Yabal a'jari bansa pakalawaki siagang ammantanga ri pa'barung-barunganga.

PA'JARIANG 4:20 ပူးပေါင်းရင်းမြစ်များ

PA'JARIANG 25:27

Pila' katambammi lompona anjo ruaya ana'. Esau a'jarimi pasoso' sannaka cara'de'na, nanangai ammantanga ri parang. Mingka Yakub sannangi sipa'na siagang nangai ammantanga ri balla'.

PA'JARIANG 4:19

Anjo Lamekh rua bainenna, iamintu niarenga Ada siagang Zila.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

PA'JARIANG 4:21

Andi'na niareng Yubal, na iaminne sossoranna Yubal a'jari pakacapi siagang pakarena suling.

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.