PA'JARIANG 39:9 - KITTA' MATANGKASA'

⁹ Anrinni sangkammai koasaku siagang koasana Potifar. Tena manna sirupa tanapappirannuangang ri nakke pantaranganna ikatte Ibu'. Antekamma lakkulle kugaukang anjo panggaukang ja'dala' kammaya siagang ladoraka ri Allata'ala?”

PA'JARIANG 39:9 ပူးပေါင်းရင်းမြစ်များ

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 20:6

Appialimi Allata'ala lalang anjo so'naya angkana, “Memang Kuassengi angkanaya matangkasaki ati mailalannu anggaukangi anne. Iaminjo saba'na nataKukellayako a'gau' dosa mae ri Nakke, siagang taKupa'biangako anseroi anjo bainea.

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 24:2

Ri se'reang allo nakanamo Abraham ri surona kaminang toaya, ia angngurusukai sikontu pa'barang-baranganna, “Padongkoki limannu ri alla'na bonggangku.

PA'JARIANG 39:10

Manna na allo-allo ninyonyo' dudu ri bainenna Potifar, mingka tuli tena naero' Yusuf angngagangi sikatinroang.

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

NEHEMIA 6:11

Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

KALAPPASSANG 20:14

Teako a'gau' salimaraki.

PANGNGEBARANG 6:29

Anjo sangkammai bahayana siagang assikatinroanga siagang bainenna tau maraenga. Inai-nai anggaukangi takkulleai ta'lappasa' battu ri hukkunganga.

PANGNGEBARANG 6:32

Mingka antekammai tu bura'ne a'gau' salaya? Ia napanraki kalenna! Ia sanna' sikali dongo'na!

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YEREMIA 28:16

Lanri kammana anjo KalenNa Batara ampaui angkanaya lanipa'lanynyakko battu ri tompo'na buttaya. Ia memang anne taunga nulamate, lanri nusurona anne bansaya angngewai Batara.”

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

KAIMANGNGANG 6:2

Se'rea tau musti assarei koro'bang punna dorakai mae ri Batara, lanri tenana naero' ampoterangi apa-apa nabolika paranna tau mae ri ia, yareka natipui paranna tau, yareka nalukkaki barang-baranna, yareka nabuntulu'mi anjo baranga mingka assassalaki nassumpa.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

LUKAS 12:48

Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

TITUS 2:10

yareka a'lukka'. Parallui tuli napappicinikang sipa' baji'na siagang tamamminrana ke'nanga; sollanna akkulle napuji taua pangngajarang battua ri Allata'ala, Mappasalamatta, lanri yangasenna anjo apa nagaukanga ke'nanga.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 YOHANES 3:9

Inai-nai a'jarimo ana'Na Allata'ala, tenamo natuli la'gau' dosa, nasaba' nia'mi sipa'Na Allata'ala ri kalenna. Nasaba' iaminjo Allata'ala Manggena, tenamo natuli lanagaukang ija dosaya.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.