PA'JARIANG 39:12 - KITTA' MATANGKASA'

¹² Nibeso'mi Yusuf ri bainenna Potifar siagang nakana, “Umba kisikatinroang.” Naputara'mi kalenna Yusuf sa'genna ta'lappasa', nampa lari assulukang, mingka ammantangi jubana nita'gala' ri limanna anjo bainea.

PA'JARIANG 39:12 ပူးပေါင်းရင်းမြစ်များ

PA'JARIANG 39:10

Manna na allo-allo ninyonyo' dudu ri bainenna Potifar, mingka tuli tena naero' Yusuf angngagangi sikatinroang.

PA'JARIANG 39:11

Ri se'reang allo ri wattunna antama Yusuf ri balla' untu' anggaukangi jama-jamanna, tena sikali tau anjoreng.

PA'JARIANG 39:13

Nacini'na bainenna Potifar lari Yusuf nampa ammantang jubana,

PA'JARIANG 39:8

Mingka taerokai Yusuf. Nakanamo Yusuf ri ia, “Pammopporanga' Ibu'. Le'ba'mi napappirannuang ngaseng Potifar sikontu apa-apanna mae ri nakke. Tenamo naparallu ampikkiriki apa-apa niaka lalang ri anne ballaka.

2 SAMUEL 13:11

Mingka ri wattunna napajonjo Tamar anjo kanrejawaya mae ri ia, nata'gala'mi Amnon anjo tuloloa na nakana, “Andi', maeko assikatinroang siagang inakke!”

PANGNGEBARANG 1:15

Teako amminawangngi mae ri tau kammaya anjo, ikau ana'-anakku! Pakabellai kalennu battu ri ke'nanga.

PANGNGEBARANG 5:8

Pakabellai kalennu battu ri baine sala kammaya anjo. Ba'lalo teako a'reppesi ri balla'na.

PANGNGEBARANG 6:5

Lappassangi kalennu battu ri anjo sikkoka sanrapang jangang-jangang yareka kijang ta'lappasaka battu ri tau ammuranga.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

1 SAMUEL 15:27

Nampa a'bokomo Samuel ero' a'lampa. Mingka nitahangi ri Saul nanata'gala' jubana, sa'genna kekke'mo jubana Samuel.