PA'JARIANG 39:11 - KITTA' MATANGKASA'

¹¹ Ri se'reang allo ri wattunna antama Yusuf ri balla' untu' anggaukangi jama-jamanna, tena sikali tau anjoreng.

PA'JARIANG 39:11 ပူးပေါင်းရင်းမြစ်များ

PA'JARIANG 39:10

Manna na allo-allo ninyonyo' dudu ri bainenna Potifar, mingka tuli tena naero' Yusuf angngagangi sikatinroang.

PA'JARIANG 39:12

Nibeso'mi Yusuf ri bainenna Potifar siagang nakana, “Umba kisikatinroang.” Naputara'mi kalenna Yusuf sa'genna ta'lappasa', nampa lari assulukang, mingka ammantangi jubana nita'gala' ri limanna anjo bainea.

AYUB 24:15

Pagau' bawanga natayangi battuna sa'ra alloa; nabongongi rupanna sollanna taniassenga ri taua.

PANGNGEBARANG 9:17

“Je'ne' nilukkaka te'nei kasia'na, siagang kanre nikanre cokko-cokkoa nyamangangngangi kasia'na.”

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

EFESUS 5:12

Nasaba' anjo gau' cokko-cokkona ke'nanga, poro nibicara bawang nappakasiri'-siri'mo.)

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.