PA'JARIANG 38:24 - KITTA' MATANGKASA'

²⁴ Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 38:24 ပူးပေါင်းရင်းမြစ်များ

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 34:31

Mingka appialimi ke'nanga angkana, “Takkulleai nabalang parekang andi'na ikambe nipare' sangkamma baine pagau' sala.”

PA'JARIANG 38:23

Nakanamo Yehuda, “Boli'mi kamma anjo apa-apaya naalle untu' kalenna, assala' tena ninggappa siri'. Le'ba'mi kuusahai untu' ambayaraki, mingka tena nanubuntuluki.”

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

2 SAMUEL 12:7

Nakanamo Natan ri Daud, “Ikattemi anjo taua karaeng! Siagang iaminne kananNa Batara, iamintu Allata'alaNa Israel, ‘Ikau le'ba' mako Kuangka' a'jari karaeng mae ri Israel siagang Kupasalamakko battu ri Saul.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEHEZKIEL 16:15

Mingka ikau nupake salai kaga'gannu kammayatompa kabaukang arennu. Attinroko siagang bura'ne sambarang niaka allalo.

YEHEZKIEL 16:25

Nura'massi kaga'gannu. Nupappirarangi kalennu mae ri sikamma bura'ne allaloa, siagang tenammari-marinu a'gau' bawang.

YEHEZKIEL 16:26

Mesir nuaganga singngampi', anjo sannaka lalena, le'ba'mi nuagang sikatinroang. Nupakkunjung-kungjungiangi assundala' untu' ampakalarroA'.

YEHEZKIEL 16:28

Mingka tenapa nasangga nusa'ring pakkasia'nu; lanri kammana anjo, nuondang-ondangi pole tu Asyur. A'jariko pasundala'na ke'nanga, mingka tena tompa nasangga nusa'ring pakkasia'nu mae ri ke'nanga.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 23:19

Pila' sallo pila' a'mole-molemi a'gau' bawang, tena le'ba' sisalana ri wattunna lolo a'jari pasundala' ri Mesir.

YEHEZKIEL 23:44

A'le'basa'-le'basaki taua battu mange ri Ohola siagang Oholiba, anjo ruaya pasundala' panrakamo.

YEHEZKIEL 23:5

Manna pole nakubaineammo anjo Ohola, mingka tuli nagaukanna assundalaka, siagang sanna' lompona nyawana allayani sikamma tanrinna battu ri Asyur.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

HOSEA 3:3

Kukanamo ri ia angkanaya musti salloi antayanga'. Lalang anjo wattu attayanna takkulleai a'gau' bawang yareka assundala', na inakke tena todong kula'reppese' mae ri ia.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

KAIMANGNGANG 21:9

Punna nia' ana' baine imang a'jari baine pagau' sala, nahinai manggena siagang musti nitunui sa'genna mate.

ROMA 14:22

Boli'mi kamma na ikau tommo anggaukangi anjo apa nupatappaka ri dallekanNa Allata'ala untu' kalennu. Inai-nai tena naranggasela anggaukangi apa annabaya, iami mate'ne.

PAOLE 24:16

Teako hukkung matei tau toaya passabakkang kaja'dallang nagaukanga ana'-ana'na; siagang teako hukkung matei ana'-anaka passabakkang kaja'dallang nagaukanga tau toana ke'nanga. Tunggala' taua iapa nakkulle nihukkung mate punna passabakkang panggaukang kaja'dallang kalenna.

HAKING-HAKING 19:2

Mingka ri boko, larroi anjo baine piarana, sa'genna ammotere' mange ri balla'na manggena ri Betlehem. Narapiki patambulang sallona ammantang anjo bainea anjoreng,