PA'JARIANG 37:9 - KITTA' MATANGKASA'

⁹ Nampa asso'namo pole Yusuf, siagang nacaritami pole mae ri sikamma daenna angkana, “Asso'nama' pole. Kuciniki mataalloa, bulanga siagang sampulo asse're bintoeng su'ju' mae ri nakke.”

PA'JARIANG 37:9 ပူးပေါင်းရင်းမြစ်များ

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 37:10

Nacarita tommi anjo so'nana mae ri manggena. Nanipauammo ri manggena angkana, “So'na apa anjo? Nupikkiriki angkanaya inakke siagang amma'nu kammayatompa sikamma sari'battannu labattu anynyomba ri kau?”

PA'JARIANG 37:7

Asso'na' nia' ngasengki' ri kokoa anynyikko' gandung. Nampa ammenteng nai' nakke gandungku. Sikontu gandunnu ngaseng niaki ri tammulilina gandungku nampa su'ju' ri ia.”

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

PA'JARIANG 41:25

Nakanamo Yusuf ri karaenga, “Anjo ruaya so'na sangkammai battuanna. Napabattuang maki' Allata'ala apa eroka Nagaukang.

PA'JARIANG 41:32

Pinruangki' asso'na. Anjo battuanna iamintu, anjo passalaka le'ba'mi Napattantu Allata'ala, siagang tenamo nasallo naNapa'jari.

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 43:26

Ri wattunna battu Yusuf mae ri balla', napassareammi ke'nanga anjo hadiaya mae ri Yusuf, nampa su'ju' ke'nanga.

PA'JARIANG 43:28

Appialimi ke'nanga angkana, “Anjo atanta, manggena ikambe, baji'-baji'ji.” Nampa su'ju' ke'nanga ri ia.

PA'JARIANG 44:14

Ri wattunna battu Yehuda siagang sikamma sari'battanna mange ri balla'na Yusuf, nia' iji Yusuf ri balla'na. Su'ju'mi ke'nanga ri dallekanna.

PA'JARIANG 44:19

Le'ba' maki' akkuta'nang mae ri kambe angkana, ‘Apaka nia' ija manggenu yareka sari'battannu maraeng?’

PA'JARIANG 45:9

Kamma-kamma anne akkaro-karo ngaseng mako ammotere' mange ri bapa', nampa nupauang angkana inakke Yusuf, ana'na, akkana kamma anne, ‘Napa'jarima' Allata'ala tukoasa ri sikontu Mesir. Battu maki' mae linta'.

PA'JARIANG 46:29

nai'mi Yusuf ri karetana untu' mange assibuntulu' siagang manggena anjoreng. Ri wattunna assibuntulu'mo ke'nanga, naraka'mi Yusuf anjo manggena nampa angngarru' sisalloang.

PA'JARIANG 47:12

Nampa nagannakkimo pappasadia untu' lanakanrea manggena, sikamma sari'battanna, kammayatompa sikontu bija pammanakanna, sa'genna kaminang loloa.

DANIEL 8:10

Anjo tanruka a'jari pila' lompoi sa'genna gassimmo angngewai tantara suruga iamintu sikamma bintoenga, ba'lalo nia' siapa are napasambila naung ri buttaya nampa naonjo'-onjokang.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.