PA'JARIANG 37:36 - KITTA' MATANGKASA'

³⁶ Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

PA'JARIANG 37:36 ပူးပေါင်းရင်းမြစ်များ

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

PA'JARIANG 40:3

Napantama'mi ke'nanga ri tarungkua, iamintu balla' tahananna kapala pangawala'na balla' karaenga. Nania' Yusuf lalang ri anjo tampa' tahananga.

PA'JARIANG 40:4

Sallo tongi ke'nanga lalang ri anjo tarungkua. Nampa nisuromo Yusuf ri kapala pangawala'na balla' karaenga untu' allayani ke'nanga.

PA'JARIANG 41:12

Mingka nia' sitau turungka battu ri Ibrani naagang ikambe anjoreng. Ia palayanna kapala pangawalaka ri anjo balla' karaenga. Nacaritami ikambe anjo so'nana ikambe mae ri ia. Nampa napakasingara'mo battuanna anjo so'nana ikambe.

2 KARAENG-KARAENG 25:8

Ri tanggala' 7 bulang 5 ri taung makasampulo assalapang ammarentana Nebukadnezar ri Babel, nia'mo tau niareng Nebuzaradan battu mange ri Yerusalem. Anjo taua tubiasa napappalakki pappitangara' Nebukadnezar siagang panglimana tongi Nebukadnezar.

ESTER 1:10

Ri makatujuna alloa, angnginung-nginummi karaenga siagang sanna' sikali rannuna. Lanri kammana nakio'mi tujua palayang untu' kalenna. Ia arenna ke'nanga iamintu Mehuman, Bizta, Harbona, Bigta, Abagta, Zetar, siagang Karkas.

PAMMUJI 105:17

Mingka Napajappa rioloi sitau ri dallekanna ke'nanga, Yusuf, le'baka nabalukang ke'nanga a'jari ata.

YESAYA 56:3

Bansa maraeng asse'rea mae ri umma'Na Batara takkulleai angkana, “Tena Napa'bianga' Batara anynyomba ri Ia siagang umma'Na.” Tau tamanaka takkulleai appikkiri' angkana, “Inakke takkullea' a'jari anggota umma'Na Batara, saba' takkulleama' anggappa katurunang.”

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

DANIEL 2:14

Jari mangemi Daniel ri Ariokh, iamintu komandang pangawala'na karaenga, ia tajaiamo ero' anggaukangi anjo hukkungang matea.