PA'JARIANG 37:35 - KITTA' MATANGKASA'

³⁵ Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

PA'JARIANG 37:35 ပူးပေါင်းရင်းမြစ်များ

PA'JARIANG 31:43

Appialimi Laban angkana, “Anjo ruaya baine, anakku; ana'na ke'nanga inakke pata, siagang anjo pa'rappungang gimbalaka inakke todong pata. Sikontutojenna sikontu apa-apa niaka nucini' anrinni inakke ngaseng pata. Mingka tena apa-apa akkulle kugaukang untu' antahangi cucungku.

PA'JARIANG 42:31

Appialimi ikambe angkana, ‘Ikambe tubaji' ngasengki', teaiki' mata-mata; ikambe tau lambusukki'.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 45:28

Nakanamo, “Tallasa' iji anakku Yusuf! Iaji anjo bawang kukaeroki! Musti a'lampa' mange anciniki ri tenanapa kumate.”

PA'JARIANG 48:11

Nampa nakanamo Yakub ri Yusuf, “Tena sikali kukapangi angkana lasicini' ija' siagang ikau. Mingka kamma-kamma anne ba'lalo Nasarema' Allata'ala pangngellai untu' ancini' tongi ana'-ana'nu.”

2 SAMUEL 12:17

Nampa battumo sikamma tumalompona balla' kakaraenganga mae ri ia na nanyonyo' sollanna ero' ambangung nai'. Mingka taerokai angnganre siagang ke'nanga.

2 SAMUEL 12:23

Mingka kamma-kamma anne, lalang matenamo, apa matu-matungku tulusu' appuasa? Maka akkullea' ampattallasa' poleangi? Sallang la'lampa tonga' mae ri anjo tampa' napammantangia, mingka kamma-kamma anne tenamo nalammotere' mae ri nakke.”

2 SAMUEL 19:1

Nipauammi Yoab angkanaya angngarruki Daud siagang kasusangi lanri kamateanna Absalom.

1 PATTOTTORANG 7:22

Siapa are sallona sangnging susa manggena ke'nanga, sa'genna battumo sikamma sari'battanna ansaleori.

AYUB 2:11

Anjo bala antujuai Ayub nalangngere'mi tallua aganna, iamintu Elifas, battu ri Téman, Bildad tu Suah, siagang Zofar tu Naamah. Assamaturu'mi ke'nanga ero' mange antoaki siagang ansaleori Ayub.

PAMMUJI 77:2

Assa'ra lompoa' akkio' mae ri Allata'ala; assa'ra lompoa' akkio', na napilangngeria'.

PAMMUJI 77:3

Ri wattungku kasukkarrang appala' doanga' mae ri Batara; sila'busu' bangngi tena kulanre ampatarai limangku, mingka taerokai nisaleori pa'maikku.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.