PA'JARIANG 37:34 - KITTA' MATANGKASA'

³⁴ Nakekke'mi pakeanna Yakub lanri si'nana nyawana, nampa ammake pakeang kasusaang. Siapa are allonna nakarruki anjo anaka.

PA'JARIANG 37:34 ပူးပေါင်းရင်းမြစ်များ

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 44:13

Sanna'mi susana pa'mai'na sikamma daenna, sa'genna nakekke'mi pakeanna ke'nanga. Napanai'mi ke'nanga anjo tekekanna keledaina nampa ammotere' mange ri kotaya.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

1 KARAENG-KARAENG 20:31

Battumi sikamma perwira tantarana angkana, “Nakana taua, karaeng-karaenna Israel sangnging karaeng lompo pangngamaseang. Lanri kammana, kipa'biammi ikambe mange andallekang ri karaeng Israel ammake kaeng karung a'jari pammatei sesse' lalang siagang otere' ri kallong a'jari pammatei tau tundu'. Poro tena laloja nabunoki' karaenga.”

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

2 KARAENG-KARAENG 19:1

Ri wattu nalangngere'na Karaeng Hizkia laporanna anjo tau tallua, nakekke'mi pakeanna siagang ammakemi kaeng karung tanra si'nana pa'mai'na, nampa a'lampa mange ri Balla'Na Batara.

2 KARAENG-KARAENG 2:12

Naciniki Elisa anjo kammaya nampa akkio' angkana, “Elia, bapakku! Bapakku! Pajagana Israel malompoa! Tenami bapakku!” Jari lanynya'mi Elia battu ri paccini'na Elisa. Si'nami nyawana Elisa na nakekke' jubana a'jari rua.

2 KARAENG-KARAENG 22:11

Nalangngere'na karaenga antekamma bonena anjo kittaka, nakae-kaemi pakeanna napakamma si'na pa'mai'na.

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

1 PATTOTTORANG 7:22

Siapa are sallona sangnging susa manggena ke'nanga, sa'genna battumo sikamma sari'battanna ansaleori.

NEHEMIA 9:1

Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

AYUB 16:15

Ammakea' karung tanra si'na, na kummempo ri au lanri nibeta.

AYUB 2:12

Mingka nacini' battu bellana ija ke'nanga anjo Ayub, sike'de' mami ke'nanga natanarupaya anjo Ayub. Angngarru' lompomi ke'nanga siagang nakekkeki pakeanna kammayatompa appasimbummi limbu'bu' nai' ri allaka siagang nai' ri ulunna ke'nanga.

PAMMUJI 69:11

Angngarruka' siagang appuasa', mingka nahina' ke'nanga.

YESAYA 32:11

Sa'genna kamma-kamma anne nyamangko ri tallasa'nu, bellako ri kasusaanga. Mingka kamma-kamma anne, annekkere' mako napakamma malla'! La'gasi pakeannu nampa nupasikko' kaeng karunga mae ri aya'nu.

YESAYA 36:22

Jari nakekke'mi pakeanna Elyakim, Sebna, siagang Yoah, tanra si'nana pa'mai'na ke'nanga, nampa a'lampa a'laporo' ri karaenga, anjo apa le'baka napau perwira tantarana Asyur.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

MATIUS 26:65

Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

LAMPA-LAMPANA 14:14

Nalangngere'na Barnabas siagang Paulus anjo apa eroka nagaukang anjo taua ngaseng, nakekke'-kekke'mi pakeanna ke'nanga, nalari mange ri tangnga-tangngana anjo tau jaia, nampa ammarrang angkana,

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

HAKING-HAKING 11:35

Kamma nacini'na Yefta anjo ana'na, sanna'mi si'nana nyawana. Nakkeke'-kekke'mi bajunna, na nakana, “O Anakku, panra'mi atingku! Le'ba'ma' assumpa ri Batara, na takkulleamo kupinra!”