PA'JARIANG 37:28 - KITTA' MATANGKASA'

²⁸ Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

PA'JARIANG 37:28 ပူးပေါင်းရင်းမြစ်များ

PA'JARIANG 25:2

Anjo bainenna allassukammi ana', ia massing niarenga: Zimran, Yoksan, Medan, Midian, Isybak, siagang Suah.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

PA'JARIANG 37:36

Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

PA'JARIANG 39:1

Nierammi Yusuf mange ri Mesir ri tu Ismael. Nampa nibalukang mae ri Potifar, kapala pangawalaka ri balla' karaenga.

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

PA'JARIANG 50:15

Ri matenamo manggena ke'nanga, nakanamo sikamma sari'battanna Yusuf, “Antekamma ebara' angkana napammoli'-molikangki' Yusuf nampa nabalasa' anjo kaja'dallanta pirangalloang?”

PAMMUJI 105:17

Mingka Napajappa rioloi sitau ri dallekanna ke'nanga, Yusuf, le'baka nabalukang ke'nanga a'jari ata.

PAMMUJI 83:9

Kammayatompa Asyur asse're tommi ke'nanga, a'jari mata-matana turunganna Lot.

KALAPPASSANG 21:16

Inai-nai a'llukka' tau, musti nihukkung matei, apaka le'ba'mi nabalukang anjo taua yareka nania' ija ri balla'na.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

YEREMIA 38:13

Nampa nabesokka' ke'nanga nai' assulu' ri anjo bungunga. Le'baki anjo, anjoremma' ri paranglakkenna balla' karaenga nitahang.

PAMMILANGNGANG 25:15

Anjo bainea niarengi Kozbi; ana'nai tu niarenga Zur, sitau kapala suku battu ri Midian.

PAMMILANGNGANG 25:17

“Ewai tu Midian, siagang allei ancuru' ke'nanga

MATIUS 26:15

Nakanamo ri ke'nanga, “Apa lanusareanga' punna kupassareang Isa ri kau?” Nisaremi ri ke'nanga tallumpulo doe' pera'.

MATIUS 27:9

Lanri kammana, a'rupami apa le'baka napau Na'bi Yeremia, angkanaya, “Natarimai ke'nanga tallumpulo doe' pera', iamintu pa'bayara' ballinna KalenNa, napassamaturukianga bansa Israel.

LAMPA-LAMPANA 7:9

Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

HAKING-HAKING 8:22

Le'baki anjo angkanami umma' Israel ri Gideon, “Le'ba' mako allappassangi ikambe battu ri kakoasanna tu Midian. Jari ikaumo kammayatompa turungannu a'jari pamimping mae ri kambe.”

HAKING-HAKING 8:24

Mingka nakanamo pole Gideon, “Se'reji bawang papalakku; sikontu anjo anting-anting nurampasaka battu ri musua, sareang ngasenga'.” (Biasana tu Midian ammakei anting-anting bulaeng; sangkamma todong tuniaka ammantang ri parang kassika.)