PA'JARIANG 37:26 - KITTA' MATANGKASA'

²⁶ Nakanamo Yehuda mae ri sikamma sari'battanna, “Apa matu-matunna nibuno anjo anditta nampa nirahasiakang anjo pammunoanga?

PA'JARIANG 37:26 ပူးပေါင်းရင်းမြစ်များ

PA'JARIANG 25:32

Nakanamo Esau, “Talakujampangi anjo ha' kammaya ri kalengku. Kamma lamatea' kusa'ring napakamma cipuru'!”

PA'JARIANG 37:20

Umba nibunoi nampa nipasambila maya'na antama' ri bungung kalotoroka. Nampa nipau sinampe' angkana niallei ri olo'-olo' sekkeka ri romanga. Nampa nicini' sinampe' angkana antekamma kajarianna anjo so'na-so'nana.”

PA'JARIANG 4:10

Nakanamo Batara, “Angngapa nugaukangi anjo panggaukang palla' kammaya? Akkio'-kioki cera'na andi'nu battu rawa ri buttaya, sanrapang sa'ra annuntuka pa'balasa'.

PA'JARIANG 4:9

Akkuta'nammi Batara ri Kain angkana, “Kemaei Habel, andi'nu?” Appialimi Kain angkana, “Takuassengai. Apaka musti kujagai andikku?”

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

PA'JARIANG 42:21

Nampa nakanamo massing para ia ke'nanga, “Kamma-kamma anne nihukkung maki' passabakkang salanta mae ri anditta pirangngalloang; appala' tulungi mingka tena nijampangi, manna nasessamo nicini'. Iaminjo saba'na nakianggappamo sessa ri kamma-kammaya anne.”

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

AYUB 16:18

He buttaya, teako cokkoi ri nakke kaja'dallanga; teako pammakkangngi pakkiokku appala' kaadelang.

PAMMUJI 30:9

Akkioka' mae ri Katte, o, Batara, ri Kattema' appala',

YEHEZKIEL 24:7

Anjoreng ri kotaya kajariangi pammunoanga, mingka cera'na tena nata'bene naung ri buttaya, passangalinna nai' ri batu terasaka, sa'genna takkullea nitambungi.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

PAOLE 17:8

Punna nia' parkara takkullea nitappuki ri haking-hakinga ri se'reang tampa' lanri sukkara' duduna, ebara'na parkara pammunoang tenaya nikunjungi yareka nikunjungia, parkara pa'barang-barangngang yareka assiloko'-lokoki, musti nuerangi mange ri tampa' ibada Napattantua Karaeng Allata'alanu.