PA'JARIANG 37:25 - KITTA' MATANGKASA'

²⁵ Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

PA'JARIANG 37:25 ပူးပေါင်းရင်းမြစ်များ

PA'JARIANG 31:21

Naallemi sikontu pa'barang-baranganna nampa a'lampa karo-karo. A'limbammi ri Binanga Efrat nampa a'lampa mange ri Moncong Gilead.

PA'JARIANG 31:23

Napa'rappungammi sikamma taunna Laban, nampa a'lampa siagang ke'nanga mange angngondangi Yakub. Tuju allo sallona nampa akkulle narapi' ke'nanga ri daera Moncong Gilead.

PA'JARIANG 37:24

Nampa nire'resang ri ke'nanga na nipasambila antama' ri bungung kalotoroka.

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

PA'JARIANG 37:36

Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

PA'JARIANG 39:1

Nierammi Yusuf mange ri Mesir ri tu Ismael. Nampa nibalukang mae ri Potifar, kapala pangawalaka ri balla' karaenga.

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

ESTER 3:15

Akkaro-karomi a'lampa sikamma tunisuroa a'lampa angngantaraki anjo sikamma suraka mange ri sikontu propinsi niaka ri anjo kakaraenganga. Lanri passurona karaenga, nipa'la'bang tommi anjo parentaya ri kota Susan, iamintu ibukotana Persia. Le'baki anjo ammempo-mempomi karaenga siagang Haman, angnginung anggoro'. Mingka a'jari gegere' lompomi taua ri kota Susan passala' anjo parentaya.

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PAMMUJI 83:6

Assamaturu'mi bansa-bansaya, assikongkolo'mi ero' angngewaKi':

PANGNGEBARANG 30:20

Iaminne akkala'na se'rea baine a'bali' ballanga ri bura'nenna: Le'ba'na a'gau' sala, angnganremi nampa nalu'lu' bawana, nampa nakana, “Tena apa-apa kugaukang!”

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

YEREMIA 22:6

Untu' iNakke, anjo balla' karaenna karaeng Yehuda ga'ga sikali, sangkammai ga'gana butta Gilead siagang moncong-moncong Libanon; mingka anjo tampaka laKupa'jari sangkamma parang lompo tenaya nanipammantangngi ri tau.

YEREMIA 46:11

He pandudu'na Mesir, a'lampako mange ri Gilead a'boya pa'balle! Mingka manna nakamma, tena nulanggappa pa'balle akkullea ampamolleko.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

YEHEZKIEL 47:18

Pa'baeng-baeng rayaiya a'lampa timboro', battu ri se'reang tampa' ri alla'na daera Damsyik siagang daera Hauran. Jari Binanga Yordan a'jari pa'baeng-baeng iamintu butta Israel biring ilau' siagang Gilead biring iraya, sa'genna mange ri Tamar ri biring tamparanna Tamparang Matea.

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.