PA'JARIANG 37:11 - KITTA' MATANGKASA'

¹¹ Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

PA'JARIANG 37:11 ပူးပေါင်းရင်းမြစ်များ

PA'JARIANG 24:31

Nampa nakanamo Laban, “Ikatte tunibarakkakiki' ri Batara, bapa'! Teaki' ammantangngi pantarang anrinni. Umba kimange ri balla'na ikambe. Nia'mo kamara' napasadia ikambe untu' ikatte, siagang nia' tommo tampa'na sikamma untata.”

PA'JARIANG 37:12

Ri se'reang allo, ri wattu a'lampana sikamma daenna Yusuf untu' angkalawaki sikamma bembena siagang gimbala'na manggena ke'nanga,

PA'JARIANG 42:9

Nampa nau'rangimi so'nana Yusuf ri passala'na ke'nanga. Nakanamo Yusuf, “Ikau ngaseng anne mata-matako; battu ngasengko ero' ansalidiki kalammaanna pa'rasanganna ikambe.”

PAMMUJI 106:16

Angngiri matai ri Musa ke'nanga ri parang lompoa siagang mae ri Harun ata matangkasa'Na.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

YESAYA 11:13

Tenamo nalangngiri mata kakaraenganna Israel mae ri Yehuda, siagang Yehuda tenamo nanamusui Israel.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

MATIUS 27:18

Nakkana kamma anjo Pilatus, kasaba' naassengi angkanaya na napassareang ke'nanga Isa, lanri assereati ke'nanga ri Isa.

MARKUS 15:10

Nasaba' naassengi Pilatus angkanaya nanapassareang Isa ke'nanga ri ia, lanri assereati anjo imang-imang kapalaya.

LUKAS 2:19

Mingka napariatimi siagang nanawa-nawami Maria sikamma anjo passalaka.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

LAMPA-LAMPANA 13:45

Ri wattunna nacini' tu Yahudia anjo tau jaia, sanna'mi akkimburuna lalang atinna ke'nanga. Nahinami Paulus, siagang nageakki ngasemmi anjo apa napabattua.

LAMPA-LAMPANA 7:9

Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

1 SAMUEL 18:8

Nalangngere'na Saul anjo, a'jari sanna'mi larrona. Nasaba' napikkiriki angkanaya, “Daud nikanami le'ba' ammuno appulo-pulo sa'bu, nampa inakke poro assa'bu-sa'buji bawang. Tantu tenamo nasallo nanipa'jarimo karaeng ri ke'nanga!”