PA'JARIANG 36:7 - KITTA' MATANGKASA'

⁷ Assibokoimi Esau siagang Yakub lanri jai duduna barang-baranna ke'nanga, siagang takkulleai ke'nanga attallasa' sirurungang. Nampa pole anjo pa'rasangang napammantangngia ke'nanga tanggannakai ruku' lanakanrea olo'-olo'na ke'nanga lanri jai duduna.

PA'JARIANG 36:7 ပူးပေါင်းရင်းမြစ်များ

PA'JARIANG 13:11

Kale'bakkanna iaminjo sikontu Lappara'na Yordan napilei Lot. Jari a'lampami mange ri bageang iraya. Kammaminjo nasisa'la'mo anjo tau ruaya.

PA'JARIANG 13:6

Jari tenamo nangganna' anjo ruku' niaka anjoreng ri tampaka, lanri jai dudunamo olo'-olo' katuona ke'nanga.

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

PA'JARIANG 28:4

Poro Nabarakkakiko Batara siagang turungannu, sangkamma le'ba'na Nabarakkaki Abraham. Kammayatompa poro nukammai anne butta nupammantangngia, le'baka Napassareang Allata'ala mae ri Abraham!”

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

YEREMIA 35:7

Takkulleai ikambe a'lamung, takkulleai ikambe appare' yareka ammallaki koko anggoro'. Lalang sikontu tallasa'na ikambe, tena todong nakkulle ambangung balla'. Musti anjorengi ri kemaya ikambe ammantang, sollanna akkulle ammantang tuli anrinni ri tampaka salaku tau annompang.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.