PA'JARIANG 36:6 - KITTA' MATANGKASA'

⁶ Nampa a'lampamo Esau ambokoi Yakub, na'lampa mange ri pa'rasangang maraeng, angngerangi sikamma bainenna, ana'na, kammayatompa sikamma tau niaka ri balla'na, sikontu olo'-olo'na siagang pa'barang-barangngang le'baka nagappa ri Kanaan.

PA'JARIANG 36:6 ပူးပေါင်းရင်းမြစ်များ

PA'JARIANG 13:11

Kale'bakkanna iaminjo sikontu Lappara'na Yordan napilei Lot. Jari a'lampami mange ri bageang iraya. Kammaminjo nasisa'la'mo anjo tau ruaya.

PA'JARIANG 13:6

Jari tenamo nangganna' anjo ruku' niaka anjoreng ri tampaka, lanri jai dudunamo olo'-olo' katuona ke'nanga.

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

PA'JARIANG 25:23

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

PA'JARIANG 28:4

Poro Nabarakkakiko Batara siagang turungannu, sangkamma le'ba'na Nabarakkaki Abraham. Kammayatompa poro nukammai anne butta nupammantangngia, le'baka Napassareang Allata'ala mae ri Abraham!”

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PA'JARIANG 36:5

siagang Oholibama allassukangi Yeus, Yaelam, siagang Korah. Yangasenna anjo anaka nilassukangi ri butta Kanaan.

YEHEZKIEL 27:13

A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.