PA'JARIANG 35:8 - KITTA' MATANGKASA'

⁸ Anjoreng tommi mate Debora, iamintu baine angngurusukai Ribka. Nitarawammi ri rawanganna poko' kayu lompoa ri bageang timboranna anjo kotaya. Iaminjo saba'na naniareng anjo poko' kayua “Poko' Pangngarrukang”.

PA'JARIANG 35:8 ပူးပေါင်းရင်းမြစ်များ

PA'JARIANG 24:59

Jari napa'biammi ke'nanga Ribka siagang tutoa baine biasaya amparakai untu' a'lampa siagang surona Abraham kammayatompa siagang ngaseng taunna anjo suroa. Nampa nabarakkakimo ke'nanga Ribka, siagang kana-kana kammaya anne, “Ikau Ribka, poro a'jariko anrong ri a'juta-jutaya tau! Poro turungannu akkullei nabeta kota-kotana musunna!”

1 PATTOTTORANG 10:12

a'lampami siapa are tau kaminang barania ri ke'nanga mange angngallei maya'na Saul siagang ana'-ana'na, nampa naerang mange ri Yabesh. Natarawammi ke'nanga anjo mayaka ri tujunna se're poko' kayu lompo. Le'baki anjo appuasami ke'nanga tuju allo sallona.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.

HAKING-HAKING 2:5

Iaminjo saba'na naniareng anjo tampaka Bokhim (battuanna ke'nanga anggarruka). Nampa assaremo tu Israelka koro'bang mae ri Batara anjoreng ri tampaka.

HAKING-HAKING 4:5

Biasai ammempo Debora irawanganna poko' kormaya, niaka ri alla'na kota Rama siagang kota Betel, ri daera monconna Efraim. Anjoremmi battu tu Israel mange appala' pappakainga' battu ri ia.

1 SAMUEL 10:3

Nakana pole Samuel, “Battu anjoreng a'jappa tulusu' mako sa'genna ri poko' kayu tampa' passambayanganga ri Tabor. Anjoreng lasibuntulu' mako siagang tallu tu bura'ne sitabanga a'jappa mange ri Betel untu' assare koro'bang mae ri Allata'ala. Sitau anrenreng tallung kayu ana' bembe, sitau angngerang tallumbatu roti, na sitaua pole angngerang pammoneang rassi anggoro'.

1 SAMUEL 31:13

Sikontu buku-bukunna dipasse'rei nampa ditarawang irawanganna se'reang poko' kayu ri anjo kotaya. Nampa appuasa ke'nanga tuju allo sallona.