PA'JARIANG 35:18 - KITTA' MATANGKASA'

¹⁸ Mingka a'birimmi narapi' a'jala'na Rahel. Na ri wattu ero'namo tappu nyawana, naaremmi anjo anaka Ben-Oni, mingka niarengi ri manggena Benyamin.

PA'JARIANG 35:18 ပူးပေါင်းရင်းမြစ်များ

PA'JARIANG 30:1

Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”

PA'JARIANG 35:17

Nalanri sanna' sessana ri wattu ammana'na, nakanamo sanroa ri ia, “Pakajarreki nyawanu, Rahel, bura'ne pole ana'nu.”

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

PA'JARIANG 35:24

Ana'-ana' battua ri Rahel iamintu Yusuf siagang Benyamin.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 42:4

Mingka tena napa'biangi Yakub a'lampa Benyamin, andi'naya Yusuf; tena nakellai a'lampa lanri mallaki angkana gassingka anggappai bala anjo anaka.

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

PA'JARIANG 49:27

Benyamin, iami rapang serigala sekke'. Anjakkalaki kanrena ri bari'basa'na. Ri bangngina nabage-bagei.”

1 PATTOTTORANG 4:9

Nia' sitau bura'ne niareng Yabes, ia kaminang nipakala'biri' ri alla'na sikamma sari'battanna. Niarengi Yabes ri amma'na, lanri sanna'na sessana amma'na ri wattunna nilassukang.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

PAMMUJI 80:17

Le'ba'mi nata'bang siagang natunu musu; boli'mi kamma niancuru' ke'nanga ri kalarroanTa.

KALAPPASSANG 12:7

Musti nipasapui sike'de' cera'na ri ruaya benteng pakke'bu' ballaka, siagang irateanganna pakke'bu' napammantangia ke'nanga angkanrei.

PIRAUNG 2:12

Posomi ke'nanga angngarru' appala' kanre na je'ne' inung ri anronna. Rapang tau loko' anra'baya ri tangngana aganga nampa mate niriwa ri anronna.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LUKAS 23:46

Nampa ammarrang lompomi Isa Nakana, “Bapa'! Ri lalang limanTai Kupassareang KalengKu!” Le'baki akkana kamma, tappu'mi nyawaNa.

LAMPA-LAMPANA 7:59

Lalang nasambilana ke'nanga Stefanus, akkio'mi Stefanus, nakana, “O Batara Isa, Kitarimami nyawaku!”