PA'JARIANG 35:16 - KITTA' MATANGKASA'

¹⁶ Le'baki anjo a'lampami Yakub siagang rombonganna ambokoi Betel. Ri wattu bellana ija sike'de' battu ri Efrata, narapi'mi wattunna Rahel ammana'. Mingka sukkaraki kalassukanna anjo ana'na.

PA'JARIANG 35:16 ပူးပေါင်းရင်းမြစ်များ

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

PA'JARIANG 48:7

Anne kugaukangi kammaya, untu' Rahel amma'nu. Lalang ri pa'jappangku ammotere' battu ri Mesopotamia, matemi amma'nu ri butta Kanaan, tena nabella battu ri Efrata, nasanna' si'nana pa'maikku. Kutarawangi anjoreng, ri biring agang mangea ri Efrata.” (Kamma-kamma anne Efrata niaremmi Betlehem.)

2 KARAENG-KARAENG 5:19

Nakanamo Elisa, “A'lampamako siagang salama'.” Nampa a'lampamo Naaman. Tena nasallo a'lampanamo Naaman,

1 PATTOTTORANG 2:19

Ri matenamo Azuba, a'bunting poleammi Kaleb siagang Efrat nanggappa sitau ana' bura'ne niarenga Hur.

PAMMUJI 132:6

Ri Betlehem nilangngereki passala' Patti Parjanjianga, nampa nibuntulu' ri parang Yaar.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

MATIUS 2:18

“Nia' sa'ra karru' kalangngerang ri Rama Kunrareng siagang piraung Rahel angkarruki ana'-ana'na; na taeroka nisaleori lanri taena ngasemmi ana'na.”

1 TIMOTIUS 2:15

Mingka manna nakamma, lanipasalamaki tubainea lalang allassukanna ana', assala' napakatunai kalenna natuli tappa' mae ri Almasi, siagang tuli nakamaseangi paranna tau, kammayatompa napassareang katallassanna mae ri Allata'ala bawang.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.

1 SAMUEL 10:2

Punna nubokoima' anne alloa, lasibuntulukko siagang rua tu bura'ne ri ampi'na jera'na Rahel ri Zelzah ri daera Benyamin. Lanakana ke'nanga ri kau: Anjo keledai-keledai nuboyaya nibuntulu'mi. Kamma-kamma anne tenamo nalussa' manggenu ri passala'na anjo olo'-oloka, mingka tuli ia mami napakkuta'nangngang angkanaya apamo musti nagaukang untu' amboyako.”

1 SAMUEL 4:20

La'birinnamo mate, nakanamo sikamma bai'-baine niaka antulungi, “Sa'barakko! Bura'ne ana'nu!” Mingka tenamo nappiali, siagang tenamo najampangi ke'nanga.